ان نوکر شاہوں نے الزام لگایا ہے کہ ملک میں مسلمانوں کو پریشان کیا جارہا ہے۔میڈیا پر کی گٸی تنقید راحت سامان کی تقسیم میں بھی کی جارہی ہے تفریق۔۔۔نفرت کا سلسلہ بند کرنے کا مطالبہ۔
نٸی دہلی۔۔صداٸے وقت / 26 اپریل 2020.
=============================
101 سابق نوکری شاہوں نے ملک کے مختلف ریاستوں کو وزراءٕ اعلیٰ کو خط لکھ کر ملک میں ہورہے مسلمانوں کے خلاف استحصال پر اپنی ناراضگی کا اظہار کیا ہے۔انھوں نے تبلیغی جماعت کے زیر اہتمام منعقدہ پروگراموں کو ”گمراہ اور قابل مذمت “ بتایا مگر میڈیا کے ذریعہ مسلمانوں کے خلاف نفرت پھیلانے کا الزام لگا کر اس کے کام کو بالکل غیر ذمہ دارانہ اور متعصب قرار دے دیا ۔۔ان لوگوں نے اپنے خط میں کہا ہے کہ کورونا کی وبإ کے چلتے مسلمانوں پر الزام لگاکر ان کو بالکل الگ تھلگ کردیا گیا ۔اور حفاظت کے مد نظر انھیں عوامی جگہوں سے دور رکھا گیا۔
خط تحریر کرنے والوں میں سبھی سابق عہدیداران ملک بھر سے ہیں اور ملک کی مختلف ایجینسیوں و حکومتی شعبوں سے جڑے ہیں۔ان کا دعویٰ ہے کہ یہ لوگ کسی خاص سیاسی نظریات کے حامی نہیں ہیں مگر ملک کےآٸین کو بدلنے والے ان کو نقصان پہنچانے والے ہر قدم پر ان لوگوں کی نگاہ رہتی ہے
خط لکھنے والوں میں سابق کیبینٹ سکریٹری کے ایم چندر شیکھر ،سابق آٸی پی ایس افسر اے ایس دولت و جولیو ریبرو ،سابق چیف کمشنر اطلاعات و نشریات وجاہت حبیب اللہ،دہلی کے سابق لیفیٹیننٹ گورنر نجیب جنگ و سابق کمشنر براٸے اطلاعات و نشریات ایس واٸی قریشی شامل ہیں۔
انھوں نے اپنے خط میں ان وزراءٕ اعلیٰ کی تعریف بھی کی جنھوں نے اس مشکل گھڑی میں بلا تفریق مذہب و ملت اپنی خدمات انجام دے رہے ہیں۔
خط میں کہا گیا ہے کہ بہت دکھ کے ساتھ آپ کا دھیان خاص طور پر دہلی کے نظام الدین مرکز کی جانب دلانا چاہتاہوں جہاں تبلیغی جماعت کے اجلاس کے بعد ملک کے کچھ حصوں میں مسلمانوں کے خلاف تشدد اور استحصال ہونے لگا ۔۔جب ملک میں کوڈ 19 پھیلنا شروع ہوا تو سوشل ڈسٹینسنگ کو لیکر تبلیغی جماعت پر تنقید کی گٸی ۔حالانکہ ملک کی میڈیا نے دوسرے اجلاس ، پروگراموں ، سیاسی و مذہبی اجتماعات کو چھوڈ کر صرف تبلیغی جماعت کو نشانہ بنایا جانے لگا۔اور اسکو فرقہ وارنہ رنگ دینے کی جلدی دیکھاٸی اور یہاں تک کہا جانے لگا کہ تبلیغی جماعت کی منشإ ملک میں واٸرس پھیلانے کی ہے۔
ان لوگوں نے مزید لکھا کہ بڑے افسوس کے ساتھ یہ کہنا پڑ رہا ہے کہ کٸی جگہ پر یہ افواہ پھیلاٸی گٸی کہ مسلمان اسپتال اور طبی مراکز سے بھاگ رہے ہیں ۔ایسی خبریں بھی کٸی جگہہوں سے آرہی ہے کی راحت رسانی کے سامانوں کی تقسیم میں مسلمانوں کو نظر انداز کیا جارہا ہے ۔ا
سابق نوکر شاہوں نے کہا کہ کچھ مسلم ممالک جو روایتی طور پر ہندوستان سے دوستانہ تعلقات رکھتے ہیں انھوں نے بھی مسلمانوں کے خلاف ہو رہی تفریق پر اپنی تشویش کا اظہار کیا ہے۔۔انھوں نے لکھا کی لاکھوں ہندوستانی مزدور ان ممالک میں رہ کر نوکری کرتے ہیں ۔ہمیں اپنی غیر بھید بھاٶ و منصفانا شبیہ کو قاٸم رکھنا ہوگا جس سے ان ممالک کو بھی یقین دہانی کراٸی جاسکے کہ ہندوستان میں اقلیتوں کو ڈرنے کی ضرورت نہیں ہے۔اور ہندوستانی شہری جو ان ممالک میں رہتے ہیں وہ ممکنہ نقصان سے بچ جاٸیں گے۔
ریٹاٸرڈ نوکر شاہوں نے تمام وزراءٕ اعلیٰ سے مطالبہ کیا کہ وہ اپنی انتظامیہ کو ہدایت جاری کریں کہ کسی بھی فرقہ کیساتھ تفریق نہ ہونے پاٸے ۔ساتھ ہی اس بات کی یقین دہانی کی جاٸے کہ سبھی ضرورت مند کو راحت پیکج ،میڈیکل و اسپتال کی سہولیت ، اور مالی مدد یکساں طور پر فراہم کی جاٸے۔انھوں نے لکھا کہ اس ملکی و عالمی مصیبت کی گھڑی میں ہمیں آپ کی قیادت و صلاحیت پر بھروسہ ہے ۔۔ایسے میں ملک کے ہر شخص کو متحد رکھا جاٸے نہ کہ انتشار پھیلے۔
