Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Monday, April 13, 2020

کووڈ-19: آگے بڑھے گا لاک ڈاون؟ وزیر اعظم مودی کل صبح 10 بجے ملک سے کریں گے خطاب

وزیر اعظم مودی نے ہفتہ کو وزرائے اعلیٰ کے ساتھ ویڈیو کانفرنسگ کے ذریعہ بات کی تھی۔ اس میٹنگ میں یہ بات نکل کر آئی تھی کہ لاک ڈاون کو کم سے کم دو ہفتوں یعنی اس پورے مہینے کے لئے بڑھایا جانا چاہیے۔

نٸی دہلی۔/ صداٸے وقت /ذراٸع۔/ ١٣ اپریل ٢٠٢٠۔
==============================
 ہندوستان میں کورونا وائرس کے معاملے ہر دن بڑھتے جا رہے ہیں۔ انفیکشن میں مبتلا لوگوں کی تعداد 9000 سے تجاوز کر گئی ہے۔ اس وائرس کے پھیلاو کو روکنے کے لئے ملک میں جاری 21 دنوں کا لاک ڈاون 14 اپریل کو ختم ہو رہا ہے۔ حالانکہ، لاک ڈاون کا آگے بڑھنا تقریبا طئے ہے۔ ایسے میں وزیر اعظم نریندر مودی منگل کو صبح دس بجے قوم سے ایک بار پھر خطاب کریں گے۔ مانا جا رہا ہے کہ وزیر اعظم مودی اس خطاب میں لاک ڈاون کو آگے بڑھانے کا اعلان کر سکتے ہیں۔ وزیر اعظم دفتر نے ٹویٹ کر اس کی اطلاع دی ہے۔
وزیر اعظم مودی نے ہفتہ کو وزرائے اعلیٰ کے ساتھ ویڈیو کانفرنسگ کے ذریعہ بات کی تھی۔ اس میٹنگ میں یہ بات نکل کر آئی تھی کہ لاک ڈاون کو کم سے کم دو ہفتوں یعنی اس پورے مہینے کے لئے بڑھایا جانا چاہئے۔ اب ہو سکتا ہے کہ وزیر اعظم مودی خود منگل کو اس کا اعلان کریں۔
اس سے پہلے وزیر اعظم نریندر مودی نے لاک ڈاون کے دوسرے مرحلے میں کچھ چھوٹ دینے کے اشارے بھی دئیے ہیں تاکہ گرتی ہوئی معیشت میں تھوڑی جان پھونکی جا سکے۔ وزیر اعظم مودی نے ’ جان بھی، جہاں بھی‘ کی بات کہہ کر واضح کر دیا ہے کہ کورونا وائرس سے لوگوں کی جان بچانے کے ساتھ ہی ان کے ذریعہ معاش اور معیشت کو بھی بچانا چاہتے ہیں۔ ایسے میں لاک ڈاون کو اب مرحلہ وار طریقے سے ہٹایا جائے گا۔

Post Top Ad

Your Ad Spot