روگا سمیت چار پولیس اہلکار زخمی
اعظم گڑھ: اتر پردیش /صداٸے وقت /ذراٸع /١٨ جولاٸی ٢٠٢٠۔
==============================
تھانہ حلقہ رانی کی سرائے کے گاؤں چکیدی میں دو فریقوں کے مابین تنازعہ اور مارپیٹ کی اطلاع پر پہنچی پولیس پر حملہ ہوا۔ حملے میں رانی کی سرائے کے ایس او ، سب انسپکٹر سمیت چار پولیس اہلکار زخمی ہوگئے۔ جب دوسرے تھانوں سے پولیس پہنچی تو معاملہ پر قابو پایا گیا۔ گاؤں میں پی اے سی تعینات کردی گئی ہے۔ پولیس نے 14 نامزد اور 12 نامعلوم افراد کے خلاف مقدمہ درج کرلیا ہے۔ چار افراد کو بھی گرفتار کیا گیا ہے۔
رانی کی سراٸے تھانہ علاقہ میں آنوک کے رہائشی مکند چندر راجبھر کا بیٹا دلسنگار ،کا بھاٸی جمعہ کی صبح موٹر سائیکل سے چکیدی گاؤں کے پاسوان بستی کے پاس گیا۔ تیز رفتار بائیک چلانے کو لے کر دو فریقوں میں جھگڑا ہوا۔ پاسوان بستی کے لوگوں نے جیتیدر اور پرکاش ، مکندچند ، مالا بیوی دلسنگار کو پیٹ پیٹ کر زخمی کردیا۔ مکندچندر راج بھر نے رام لال سمیت 6 افراد کے خلاف رپورٹ درج کی تھی۔ اس پر ، پولیس نے تین افراد کو گرفتار کیا اور نقص امن کے تحت انہیں جیل بھیج دیا۔
ایس ڈی ایم کے یہاں سے ضمانت ملنے کے بعد یہ تینوں افراد شام کو گھر آئے ۔ اس کارواٸی کی وجہ سے فریق مشتعل ہوگیا رات 10 بجے ، دونوں طرف سے ایک بار پھر جھگڑا ہوا۔ دونوں طرف لاٹھی۔ڈنڈے و پتھر چلنے لگے۔ حملہ آوروں نے دو بائک کو نقصان پہنچایا۔ ایک فریق نے واقعے کی اطلاع ڈائل 112 پر کی۔ پولیس کے پہنچنے کے بعد بھی دونوں طرف پتھراؤ ہوا۔ ڈائل 112 کی پولیس نے واقعے کی اطلاع رانی کی سراۓ پولس اسٹیشن انچارج کو دی۔ کچھ ہی دیر میں تھانہ انچارج فورس کے ساتھ موقع پر پہنچے پولیس نے طاقت کا استعمال کرتے ہوئے معاملے کو پرسکون کرنے کی کوشش کی تو ایک فریق نے پولیس پر حملہ کردیا۔
اس حملے میں رانی کی سرائے تھانے کے انچارج رامائن سنگھ ،ایس آٸی پورنماسی سنگھ ، دیپو سمیت چار افراد زخمی ہوگئے تھے۔ سب انسپکٹر کی حالت تشویشناک ہے۔ پولیس پر حملے کی اطلاع پر تھانہ گمبھیر پور ، سدھاری ، تھانہ نظام آباد تھانہ فورس کے ساتھ موقع پر پہنچ گیے۔ پولیس نے موقع سے کلہاڑی ، لاٹھی ، گڈاسا وغیرہ برآمد کرلئے۔ گاؤں میں پی اے سی تعینات کردی گئی ہے۔ ایس پی سٹی پنکج کمار پانڈے نے بتایا کہ پولیس پر حملہ کرنے کے الزام میں 14 نامزد اور 12 نامعلوم افراد کے خلاف مقدمہ درج کیا گیا ہے۔ پولیس نے چار افراد کو گرفتار کرلیا ہے۔
