Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Sunday, August 30, 2020

ملک میں کورونا کی رفتار میں مزید تیزی، گزشتہ 24 گھنٹے میں کورونا کے تقریباً 79 ہزار معاملے۔دنیا ‏میں ‏ایک ‏دن ‏میں ‏اتنے ‏کیس ‏کسی ‏بھی ‏ملک ‏سے ‏زیادہ۔

مرکزی وزارت صحت و خاندانی بہبود کی جاری کردہ اعدادو شمارکے مطابق، گذشتہ 24 گھنٹوں کے دوران، کورونا انفیکشن کے ریکارڈ 78،761 نئے معاملے سامنے آنے سے متاثرہ افراد کی تعداد بڑھ کر 35،42،734 ہوگئی ہے۔ کورونا انفیکشن کی تعداد میں یہ اضافہ دنیا کے کسی بھی ملک میں ایک دن میں سب سے زیادہ ہے۔

نئی دہلی/صداٸے وقت /ذراٸع /٣٠ اگست ٢٠٢٠۔
==============================
 ملک میں کورونا کی وبا رکنے کا نام نہیں لے رہی ہے اور پچھلے 24 گھنٹوں کے دوران پہلی بار انفیکشن کے 78 ہزار سے زیادہ نئے معاملے سامنے آئے ہیں، جس سے متاثرہ افراد کی تعداد 35.42 لاکھ سے زیادہ ہوگئی ہے۔ حالانکہ راحت کی بات یہ ہے کہ صحت مند افراد کی تعداد میں بھی بہت تیزی سے اضافہ ہوا ہے ، جس کی وجہ سے 21.60 فیصد فعال معاملے باقی رہ گئے ہیں۔ مرکزی وزارت صحت و خاندانی بہبود کی اتوار کے روز جاری کردہ اعداد و شمارکے مطابق،گذشتہ 24 گھنٹوں کے دوران ،کورونا انفیکشن کے ریکارڈ 78،761 نئے معاملے سامنے آنے سے متاثرہ افراد کی تعداد بڑھ کر 35،42،734 ہوگئی ہے۔ کورونا انفیکشن کی تعداد میں یہ اضافہ دنیا کے کسی بھی ملک میں ایک دن میں سب سے زیادہ ہے۔ اس سے قبل امریکہ میں ، 25 جولائی کو 78427 کیس رپورٹ ہوئے تھے جبکہ 27 اگست کو ہندوستان میں روزانہ سب سے زیادہ اضافہ ریکارڈ کیا گیا تھا جب ایک دن میں 77266 کیس رپورٹ ہوئے تھے۔
گذشتہ 24 گھنٹوں کے دوران، 64،935 مریض صحت مند ہونے کے بعد ٹھیک ہونے والوں کی تعداد بڑھکر 27،13،934 ہوگئی ہے۔ فعال معاملات کی تعداد 12،878 سے بڑھ کر 7،65،302 ہوگئی ہے کیونکہ انفیکشن کے نئے معاملات ٹھیک ہونے والوں سے زیادہ ہیں۔ ملک کی صرف 10 ریاستوں اور مرکز کے زیر انتظام علاقوں نے ہی اس عرصے کے دوران مریضوں کی تعداد کو کم کیا ہے اور اس عرصے کے دوران 948 افراد کی ہلاکت کے سبب اموات کی تعداد 63،498 ہوگئی ہے۔ ملک میں سرگرم معاملوں کی تعداد 21.60 فیصد ہے اور ملک میں صحت یابی کی شرح 76.61 فیصد ہے جبکہ موت کی شرح 1.79 فیصد ہے۔
کورونا سے سب سے زیادہ متاثر مہاراشٹرا میں فعال معاملوں کی تعداد 4،417 کے اضافے سے 1،85،467 ہوگئی اور 328 اموات کے ساتھ ہی مرنے والوں کی تعداد 24،103 ہوگئی۔ اس مدت کے دوران ، 11،541 افراد انفیکشن سے ٹھیک ہوگئے ، جس سے صحت مند افراد کی تعداد 5،54،711 ہوگئی۔ ملک میں سب سے زیادہ فعال معاملات اسی ریاست میں ہیں۔ آندھرا پردیش میں ، مریضوں کی تعداد بڑھ کر 1،490 ہوگئی ، فعال معاملات بڑھ کر 97،681 ہو گئے۔ ریاست میں اب تک 3،796 افراد لقمہ اجل بن چکے ہیں ، جبکہ مجموعی طور پر 3،12،687 افراد اس سے ٹھیک ہوچکے ہیں۔ جنوبی ریاست کرناٹک میں گذشتہ 24 گھنٹوں کے دوران مریضوں کی تعداد میں 99 کا اضافہ ہوا ہے اور اب اس میں 86،465 فعال معاملے ہیں۔ ریاست میں اموات کی تعداد 5،483 تک جا پہنچی ہے اور اب تک 2،35،128 افراد بازیاب ہوچکے ہیں۔

Post Top Ad

Your Ad Spot