بنگال جاکرمہم چلائیں گے،کسی کوبھی ووٹ دیں،بی جے پی پربھروسہ نہ کریں ، اجودھیامیں راکیش ٹکیت کااعلان،تحریک طویل عرصے تک جاری رہے گی

ایودھیا۔۔۔۔اتر پردیش / صدائے وقت/25فروری / 25 فروری 2021۔

+++++++++++++++++++++++++++++++++++

 بھارتیہ کسان یونین کے قومی صدر نریش ٹکیت جمعرات کی صبح اجودھیا پہنچے۔ جہاں انھوں نے بھگوان رام کے درشن کئے۔۔ اپنے آپ کو رگھوونشی بتاتے ہوئے نریش ٹکیت نے کہاہے کہ ہمارے اجداد کا مندر ایودھیا میں تعمیر کیا جارہا ہے۔ یہاں پہلی بار آنے کا موقع ملا۔ ہم نے خواہش کی ہے کہ بھگوان، رام  وزیر اعظم نریندر مودی کوعقل دیں۔ اس کی مددسے وہ ملک کے کسانوں کی مشکلات کو سمجھ سکتے ہیںنریش ٹکیت نے کسان تحریک پر کہاہے کہ یہ ایک لمبے عرصے تک جاری رہے گی۔ ہم مغربی بنگال بھی جائیں گے اورلوگوں سے اپیل کریں گے کہ وہ کسی کو ووٹ دیں ، لیکن بی جے پی کو ووٹ نہیں دیں گے۔نریش ٹکیت نے کہاہے کہ ہمیں تحریک سے اٹھنے کا موقع نہیں مل رہا ہے۔ ہمارے ساتھ موجودکسانوں کو ہم کیا جواب دیں گے؟ اگر آپ سپریم کورٹ سے اٹھانا چاہتے ہیں تو انھیں اٹھائو۔ حکومت کو کسان متحدہ محاذ سے بات چیت کرنی چاہیے۔ اگر زرعی قوانین میں ترمیم کرنے کی ضرورت ہے تویہ بھی کریں۔ کسانوں پر درج مقدمات واپس کیے جائیں۔ ہم چاہتے ہیں کہ گفتگو صحیح ہو۔ دودھ کا دودھ اور پانی کا پانی ہوناچاہیے۔نریش ٹکیت نے کہاہے کہ یہاں رام مندر کی تعمیر جاری ہے۔ ہم اس میں بھی تعاون کریں گے۔ اگر حکومت ہماری بات نہیں مان رہی ہے تو ہم رام کوکہیں گے۔انھیں رام کے نام پر ووٹ ملے۔ حکومت بنی۔ ہم بھی شری رام کی طرف سے ہیں ، تو پھر یہ لوگ ہماری بات کیوں نہیں مان رہے ہیں؟ حکومت ہم سے ایمانداری سے بات نہیں ۔

کرتی ہے۔ اپنے مستقبل کے پروگراموں کاتذکرہ کرتے ہوئے راکیش ٹکیت نے کہاہے کہ ہم بھی مغربی بنگال جائیں گے اور لوگوں سے کہیں گے کہ کسی کوبھی ووٹ دیں لیکن بی جے پی کو نہیں۔ ان کے قول و فعل میں فرق ہے۔