. نئی دہلی ،/صدائے وقت / 24 اپریل 2021. ا/ذرائع
+++++++++++++4+++++++++++++++
جسٹس این وینکٹ رمن نے ہفتے کے روز ملک کے 48 ویں چیف جسٹس کی حیثیت سے حلف لیا۔ صدر رام ناتھ کووند نے انہیں عہدے کا حلف دلایا۔
جسٹس رمن نے راشٹرپتی بھون میں منعقدہ ایک مختصر تقریب میں حلف لیا۔
تقریب میں نائب صدر ایم وینکیا نائیڈو ، وزیر اعظم نریندر مودی اور وزیر قانون روی شنکر پرساد موجود تھے۔
جسٹس رمن نے خدا کو حاضر وناضر مان کر انگریزی میں اپنے عہدے کا حلف لیا۔
حلف برداری کے بعد ، صدر کووند نے جسٹس رامن کو مبارکباد پیش کی اور ان کے کامیاب دور کی خواہش کی۔
واضح ہو کہ جسٹس رمن کو 6 اپریل کو ملک کا چیف جسٹس مقرر کیا گیاتھا.
آندھراپردیش کے کرشنا ضلع کے پوناوارام گاؤں میں 27 اگست 1957 کو پیدا ہوئے ، جسٹس رامان 10 فروری 1983 کو وکیل کی حیثیت سے رجسٹر ڈ ہوئے تھے۔
وہ 27 جون 2000 کو آندھرا پردیش ہائی کورٹ کے مستقل جج کے طور پر مقرر ہوئے اور 10 مارچ 2013 سے 20 مئی 2013 تک آندھرا پردیش ہائی کورٹ کے قائم مقام چیف جسٹس کی حیثیت سے خدمات انجام دیں۔
انہیں 2 ستمبر 2013 کو دہلی ہائی کورٹ کے چیف جسٹس کی حیثیت سے ترقی دی گئی تھی اور 17 فروری 2014 کو سپریم کورٹ کا جج مقرر کیا گیا تھا۔
ان کی میعاد 26 اگست 2022 کو ختم ہوگی۔
جسٹس رمن نے جسٹس ایس اے بوبڈے کی جگہ لی جو جمعہ کو چیف جسٹس کے عہدے سے ریٹائر ہوئے۔
