Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Monday, April 5, 2021

‎ڈاکٹر شفیق اعظمی کی کتاب (شھری غزل) ‏کا ‏ رسم ‏ اجراء ‏

اعظم گڑھ.. اتر پردیش /صدائے وقت / 5 اپریل /5 اپریل 2012 
=============================
سرائے میر..  گذشتہ رات کھریواں موڑ  زاہد خان کالونی  ، ڈاکٹر انور شفیق کے گھر ، ان کے والد ڈاکٹر شفیق اعظمی کی کتاب (شہری  غزل) کے رسم اجراء کی تقریب کا اہتمام کیا گیا. 
مئو کے  ڈاکٹر شکیل نے پروگرام کی صدارت کی، ،چیرمین   ارشد جمال اوزیر احمد مہمان خصوصی تھے۔صغیر انور ، متین خیرابادی ، عادل غالبپوری ، مصدق اعظمی وسیم عرف پپو پیجر ، اسرار جلالپوری ، یعقوب اعظم ممتاز قریشی نے پروگرام میں شرکت کی.   اس کے بعد شاعروں نے غزلیں پیش کیں  ، جن کے مخصوص اشعار قارئین کی نظر ہیں
........................................................  
 ہم نے کبھی  دشمن کو بھی دشمن  نہیں جانا. ہنس کر ملے ہیں جب بھی ملاقات ہوئی ہے. 
                        ڈاکٹر شفیق اعظمی

 اتھ آٹھ کے پتہ دیتے ہیں مرغولے دھوئیں کے. 
 بستی کوئی پھر نذر فسادات ہوئی ہے. 
                          صغیر انور محمدآبادی. 

 آفات و بلیات کا پھر خدشہ ہے شاید 
قوم اپنی جو سرگرم مناجات ہوئی ہے. 
                              ڈاکٹر متین خیرباد. 

 شہرت کا تمنا بھی تھی  امداد میں شامل.  
 خیرات کی جیسی کہاں خیرات ہوئی ہے. 
                                    فہیم جونپوری. 

 اے پیاسی ندی پیاس تو جی بھر کے مٹا لے 
 اس بار بہت جھوم کر  برسات  ہوئی ہے۔
 عادل غالبپوری. 

 دشمن نہیں احبابوں نے دل توڑ دیا ہے. 
 جب پیار و محبت کی کوئی بات ہوئی ہے. 
                                    ضمیر احمد ضمیر
 کس دور تعصب سے ملاقات ہوئی ہے 
 سچ بولنے والوں پہ حوالات ہوئی ہے
                                    ساگر جونپوری. 

 حسرت ہے کہ اس در پر  کھڑا ہو کر میں  کہوں
 مقبول میری آج مناجات ہوئی ہے 
                             ڈاکٹر آفتاب مجاہد

 ہم جیسے فقیروں کے ساتھ برابر میں یہ  بیٹھیں
 ان شاہوں کی اتنی کہاں اوقات ہوئی ہے. 
                               سید تحزیب عابد. 

 حیرت ہے غلط بات کی ہونے لگی تائید. 
 سچ بولنا کہ جیسے غلط بات ہوئی ہے. 
                                       طیب ایچ. 
 حیرت ہے بھٹکتے ہیں وہ بے یارو مددگار 
جن جن کے بزرگوں سے کرامات ہوئی ہے. 
                                       منظر اعظمی

 سالا  کسی  لڑکی کو بھگا لایا میرے  گھر  
 تھانے میں کٹائی میری دن رات ہوئی ہے. 
                                   بم بنارسی

کنگال کی دولت سے ملاقات ہوئی ہے. 
 ہانڈی کے ابلنے کی شروعات ہوئی ہے. 
                                    گھنٹہ. 

 بنگال میں ایک ایسی   شروعات ہوئی  ہے
 لڑواؤ کرو راج، خرافات ہوئی ہے. 
                ڈاکٹر نوشاد خان. 

 ان کے علاوہ ارشاد اعظمی ، یعقوب اعظم ، ممتاز قریشی کریم ہاشمی ، مظہر اعظمی وغیرہ نے اپنے کلام پیش کئیے. 

.  ** سرائے میر  اعظم گڑھ سے  مدثر  اعظمی **

Post Top Ad

Your Ad Spot