Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Wednesday, June 23, 2021

داؤد ابراہیم کے بھائی اقبال کاسکر کو ممبئی این سی بی نے کیا گرفتار. ‏

دراصل حال ہی مین این سی بی نے چرس کے دو کنسائنمنٹ پکڑے تھے، اسی معاملے میں آگے کی جانچ کے دوران ہی این سی بی کو انڈرورلڈ کے تار ملے اور پھر داؤد کے بھائی اقبال کی گرفتاری عمل میں آئی۔

ممبئی.. مہاراشٹر /صدائے وقت /ذرائع 23 جون 2021. 
==============================
انڈر ورلڈ ڈان داؤد ابراہیم کے بھائی اقبال کاسکر کو ممبئی نارکوٹکس کنٹرول بیورو (این سی بی) نے گرفتار کر لیا ہے۔ ڈرگس معاملے میں پروڈکشن وارنٹ پر اقبال کاسکر کی کسٹڈی لیے جانے کی خبریں سامنے آ رہی ہیں۔ دراصل حال ہی میں این سی بی نے چرس کے دو کنسائنمنٹ پکڑے تھے جن کو پنجابی باشندے کشمیر سے ممبئی بذریعہ بائیک لایا کرتے تھے۔ اس معاملے میں تقریباً 25 کلوگرام چرس پکڑی گئی تھی۔ اسی معاملے میں آگے کی جانچ کے دوران ہی این سی بی کو انڈرورلڈ کے تار ملے اور پھر داؤد کے بھائی اقبال کی گرفتاری عمل میں آئی۔
میڈیا ذرائع سے موصول ہو رہی اطلاعات کے مطابق جلد ہی اقبال کو این سی بی دفتر میں لایا جائے گا۔ معاملے کی جانچ کے دوران این سی بی کو ٹیرر فنڈنگ اور ڈرگس کی سپلائی کے لیے انڈر ورلڈ کنکشن سے جڑے اہم سراغ ہاتھ لگے ہیں اور اس تعلق سے مزید کارروائی جاری ہے۔ بتایا جاتا ہے کہ جانچ میں حاصل جانکاری کی بنیاد پر این سی بی نے ممبئی میں کئی مقامات پر چھاپہ ماری کی تھی۔ گرفتار ملزمین سے پوچھ تاچھ اور چرس کی سپلائی کے کنکشن داؤد ابراہیم کے بھائی اقبال کاسکر سے ملے جس کے بعد ٹھانے جیل میں بند اقبال کاسکر کی این سی بی نے ریمانڈ لی ہے۔

Post Top Ad

Your Ad Spot