Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Tuesday, August 7, 2018

عزیز برنی کو دینی مدارس و علماء سے کیا شغف؟

ﺍﯾﻢ ﻭﺩﻭﺩﺳﺎﺟﺪ کی قلم سے۔
ﻣﺠﮭﮯ ﺍﺱ ﻣﻮﺿﻮﻉ ﭘﺮ ﻟﮑﮭﻨﮯ ﻣﯿﮟ ﺗﮑﻠﻒ ﺗﮭﺎ۔ﻭﺍﻗﻌﮧ ﯾﮧ ﮨﮯ ﮐﮧ ﺳﺮﮮ ﺳﮯ ﯾﮧ ﮐﻮﺋﯽ ﻣﻮﺿﻮﻉ ﮨﯽ ﻧﮩﯿﮟ ﺗﮭﺎ۔ﻟﯿﮑﻦ ﮐﭽﮫ ‘ ﺑﺪﺍﺣﺘﯿﺎﻃﯽ ’ ﻧﮯ ﺍﺳﮯ ﺍﺏ ﺍﯾﮏ ﺧﻄﺮﻧﺎﮎ ﻣﻮﺿﻮﻉ ﺑﻨﺎﺩﯾﺎ ﮨﮯ۔ﺍﺱ ﭘﺮ ﺍﯾﮏ ﺑﮯ ﺳﻮﺩ ﻣﮕﺮ ﺑﮩﺖ ﮨﯽ ﺷﻌﻠﮧ ﻓﺸﺎﮞ ﺑﺤﺚ ﺟﺎﺭﯼ ﮨﮯ۔۔۔۔۔۔
ﺭﺍﺷﭩﺮﯾﮧ ﺳﮩﺎﺭﺍ ﮐﮯ ﺳﺎﺑﻖ ﺍﯾﮉﯾﭩﺮﻋﺰﯾﺰ ﺑﺮﻧﯽ ﺻﺎﺣﺐ ﺳﮯ ﭘﮩﻠﮯ ﺍﯾﮏ ﺑﻨﯿﺎﺩﯼ ﺳﻮﺍﻝ ﭘﻮﭼﮭﻨﺎ ﮨﮯ :
۔۔۔۔۔ﮐﮧ “ ﻣﻠﮏ ﺑﮭﺮ ﻣﯿﮟ ﺟﻮﮈﻭ ﮐﺮﺍﭨﮯ ﮐﮯ ﺟﻮ ﮐﻤﺮﺷﯿﻞ ﺗﺮﺑﯿﺘﯽ ﺳﯿﻨﭩﺮﮐﮭﻠﮯ ﮨﻮﺋﮯ ﮨﯿﮟ ﮐﯿﺎ ﻭﮦ ﻏﯿﺮ ﻗﺎﻧﻮﻧﯽ ﮨﯿﮟ ﺍﻭﺭﮐﯿﺎ ﻭﮦ ﺩﮨﺸﺖ ﮔﺮﺩﻭﮞ ﮐﻮ ﺗﯿﺎ ﺭﮐﺮ ﺭﮨﮯ ﮨﯿﮟ؟۔۔۔۔۔ ” ﯾﻘﯿﻨﯽ ﻃﻮﺭﭘﺮﺍﻥ ﮐﺎ ﺟﻮﺍﺏ ﯾﮩﯽ ﮨﻮﮔﺎ ﮐﮧ ﻭﮦ ﺳﺐ ﻗﺎﻧﻮﻥ ﮐﮯ ﺩﺍﺋﺮﮦ ﻣﯿﮟ ﺣﻖ ﺭﻭﺯﮔﺎﺭ ﮐﮯ ﺗﺤﺖ ﮐﮭﻠﮯ ﮨﻮﺋﮯ ﮨﯿﮟ ﺍﻭﺭ ﻭﮦ ﺩﮨﺸﺖ ﮔﺮﺩ ﺗﯿﺎﺭ ﻧﮩﯿﮟ ﮐﺮ ﺭﮨﮯ ﮨﯿﮟ ﺑﻠﮑﮧ ﻭﮦ ﮨﻨﺪﻭﺳﺘﺎﻧﯿﻮﮞ ﮐﻮ ﺍﻭﺭ ﺧﺎﺹ ﻃﻮﺭﭘﺮﻧﻮﺧﯿﺰﺍﻭﺭﻧﻮﺟﻮﺍﻧﻮﮞ ﮐﻮﺟﺴﻤﺎﻧﯽ ﻃﻮﺭﭘﺮﻓﭧ ﺭﮨﻨﮯ ﺍﻭﺭ ﺿﺮﻭﺭﺕ ﮐﮯ ﻭﻗﺖ ﺍﭘﻨﮯ ﻗﺎﻧﻮﻧﯽ ﻃﻮﺭ ﭘﺮ ﺟﺎﺋﺰ ﺩﻓﺎﻉ ﮐﯿﻠﺌﮯ ﮨﺎﺗﮫ ﭘﯿﺮ ﭼﻼﻧﮯ ﮐﯽ ﺗﺮﺑﯿﺖ ﺩﮮ ﺭﮨﮯ ﮨﯿﮟ۔
ﺍﮔﺮ ﻋﺰﯾﺰ ﺑﺮﻧﯽ ﯾﮩﯽ ﺟﻮﺍﺏ ﺩﯾﺘﮯ ﮨﯿﮟ ‘ ﺍﻭﺭ ﻻﺯﻣﯽ ﻃﻮﺭﭘﺮﮨﺮﺫﯼ ﮨﻮﺵ ﺍﻭﺭ ﺻﺤﯿﺢ ﺍﻟﻌﻘﻞ ﮐﺎﯾﮩﯽ ﺟﻮﺍﺏ ﮨﻮﻧﺎ ﺑﮭﯽ ﭼﺎﮨﺌﮯ ‘ ﺗﻮ ﭘﮭﺮﺍﯾﮏ ﺿﻤﻨﯽ ﺳﻮﺍﻝ ﯾﮧ ﮨﮯ ﮐﮧ ﺟﻮﮈﻭﮐﺮﺍﺋﮯ ‘ ﻻﭨﮭﯽ ﭼﻼﻧﮯ ﯾﺎ ﭘﮩﻠﻮﺍﻧﯽ ﺳﯿﮑﮭﻨﮯ ﮐﺎ ﺣﻖ ﮐﯿﺎ ﻣﺴﻠﻤﺎﻧﻮﮞ ﯾﺎ ﺩﯾﻨﯽ ﻣﺪﺍﺭﺱ ﮐﮯ ﻃﻠﺒﮧ ﮐﻮ ﻧﮩﯿﮟ ﮨﮯ؟ﻣﯿﺮﺍ ﺧﯿﺎﻝ ﮨﮯ ﮐﮧ ﻋﺰﯾﺰ ﺑﺮﻧﯽ ﺻﺎﺣﺐ ﮐﮯ ﭘﺎﺱ ﺍﺱ ﺳﻮﺍﻝ ﮐﺎ ﺍِﺱ ﻭﻗﺖ ﮐﻮﺋﯽ ﺩﺭﺳﺖ ‘ ﻣﺴﮑﺖ ﺍﻭﺭﻣﺜﺒﺖ ﺟﻮﺍﺏ ﻧﮩﯿﮟ ﮨﮯ۔ﺍﺳﯽ ﻟﺌﮯ ﺍﻧﮩﻮﮞ ﻧﮯ ﺟﻮ ﻣﮩﻢ ﻓﯿﺲ ﺑﮏ ﭘﺮ ﭼﻼ ﺭﮐﮭﯽ ﮨﮯ ﻭﮦ ﺳﺮﺍﺳﺮ ﻣﺴﻠﻢ ﻣﺨﺎﻟﻒ ﻣﮩﻢ ﮨﮯ ‘ ﻏﯿﺮ ﺍٓﺋﯿﻨﯽ ﺍﻭﺭ ﻏﯿﺮ ﻗﺎﻧﻮﻧﯽ ﮨﮯ ‘ ﺑﻠﮑﮧ ﺍﻥ ﮐﯽ ﻭﮦ ﻣﮩﻢ ﺑﺎﻟﻮﺍﺳﻄﮧ ﻃﻮﺭﭘﺮ ﻣﻠﮏ ﻣﺨﺎﻟﻒ ﺑﮭﯽ ﮨﮯ۔۔۔۔
ﺟﻮ ﻟﻮﮒ ﺻﺤﺖ ﺑﻨﺎﻧﮯ ﮐﮯ ﻟﺌﮯ ﺟﻢ ﯾﺎ ﺟﻮﮈﻭﮐﺮﺍﭨﮯ ﮐﮯ ﺗﺮﺑﯿﺘﯽ ﺳﯿﻨﭩﺮ ﭼﻼﺗﮯ ﮨﯿﮟ ﮐﯿﺎ ﻭﮦ ﻣﺴﻠﻤﺎﻥ ﺑﭽﻮﮞ ﮐﻮ ﯾﮧ ﮐﮩﮧ ﮐﺮﺩﺍﺧﻞ ﻧﮩﯿﮟ ﮨﻮﻧﮯ ﺩﯾﺘﮯ ﮐﮧ ﻭﮦ ﯾﮩﺎﮞ ﺳﮯ ﺗﺮﺑﯿﺖ ﭘﺎﮐﺮ ﺩﮨﺸﺖ ﮔﺮﺩ ﯾﺎ ﺗﺸﺪﺩ ﭘﺴﻨﺪ ﺑﻦ ﺟﺎﺋﯿﮟ ﮔﮯ؟ﻣﯿﺮﯼ ﻣﻌﻠﻮﻣﺎﺕ ﮐﮯ ﻣﻄﺎﺑﻖ ﻣﻠﮏ ﮐﮯ ﮐﺴﯽ ﺳﯿﻨﭩﺮ ﻧﮯ ﺍﺑﮭﯽ ﺗﮏ ﺍﯾﺴﺎ ﻧﮩﯿﮟ ﮐﯿﺎ ﮨﮯ۔ﺍﺑﮭﯽ ﺗﮏ ﺣﮑﻮﻣﺖ ﮐﮯ ﮐﺴﯽ ﺑﮭﯽ ﺍﻧﺘﻈﺎﻣﯽ ﺷﻌﺒﮧ ﻧﮯ ﺍﯾﺴﮯ ﮐﺴﯽ ﺳﯿﻨﭩﺮ ﮐﻮﺧﻼﻑ ﻗﺎﻧﻮﻥ ﻗﺮﺍﺭ ﺩﮮ ﮐﺮ ﺑﻨﺪ ﺑﮭﯽ ﻧﮩﯿﮟ ﮐﯿﺎ ﮨﮯ۔ﺗﻮ ﭘﮭﺮ ﻋﺰﯾﺰ ﺑﺮﻧﯽ ‘ ﺟﻤﻌﯿﺖ ﻋﻠﻤﺎﺀ ﮨﻨﺪﮐﮯ ﺫﺭﯾﻌﮧ ﺍﯾﺴﮯ ﺗﺮﺑﯿﺘﯽ ﺳﯿﻨﭩﺮﮐﻮﺧﻄﺮﻧﺎﮎ ﻓﻮﺟﯽ ﺗﺮﺑﯿﺘﯽ ﺳﯿﻨﭩﺮ ﻗﺮﺍﺭ ﺩﮮ ﮐﺮ ﮐﯿﻮﮞ ﺍﯾﮏ ﺯﮨﺮﯾﻠﯽ ﻣﮩﻢ ﭼﮭﯿﮍﮮ ﮨﻮﺋﮯ ﮨﯿﮟ؟ﮐﯿﻮﮞ ﻭﮦ ﻣﺤﻤﻮﺩ ﻣﺪﻧﯽ ﮐﺎ ﻣﻮﺍﺯﻧﮧ ﻣﺤﻤﻮﺩ ﻏﺰﻧﻮﯼ ﺳﮯ ﮐﺮ ﺭﮨﮯ ﮨﯿﮟ؟
ﺍﺏ ﮐﭽﮫ ﻋﺮﺽ ﻗﺒﻠﮧ ﺣﻀﺮﺕ ﻣﻮﻻﻧﺎ ﺳﯿﺪ ﻣﺤﻤﻮﺩ ﺍﺳﻌﺪ ﻣﺪﻧﯽ ﺩﺍﻣﺖ ﺑﺮﮐﺎﺗﮩﻢ ﺍﻟﻌﺎﻟﯿﮧ ﺳﮯ ﺑﮭﯽ ﮐﺮﻧﯽ ﮨﮯ۔۔۔۔
ﻗﺒﻠﮧ ! ﺍٓﭖ ﻧﮯ ﺟﻮ ﮐﺎﻡ ﺷﺮﻭﻉ ﮐﯿﺎ ﮨﮯ ﻭﮦ ﮐﭽﮫ ﺍﻧﻮﮐﮭﺎ ﺗﻮ ﻧﮩﯿﮟ ﮨﮯ۔ﺍﯾﺴﺎ ﺑﮭﯽ ﻧﮩﯿﮟ ﮨﮯ ﮐﮧ ﯾﮧ ﮐﺎﻡ ﭘﮩﻠﮯ ﮐﺒﮭﯽ ﻧﮧ ﮨﻮﺍ ﮨﻮ۔ﺟﺴﻤﺎﻧﯽ ﻃﻮﺭﭘﺮﭼﺴﺖ ﻭﺗﻮﺍﻧﺎ ﺭﮐﮭﻨﮯ ﮐﮯ ﻟﺌﮯ ﺩﯾﻨﯽ ﻣﺪﺍﺭﺱ ﻣﯿﮟ ﻻﭨﮭﯽ ﭼﻼﻧﮯ ‘ ﮐﺒﮉﯼ ﮐﮭﯿﻠﻨﮯ ﺍﻭﺭ ﺍﺳﯽ ﻃﺮﺡ ﮐﮯ ﺩﻭﺳﺮﮮ ﺗﺮﺑﯿﺘﯽ ﺍﻭﺭ ’ ﻭﺭﺯﺷﯽ ‘ ﮐﮭﯿﻞ ﺳﮑﮭﺎﺋﮯ ﺟﺎﺗﮯ ﺭﮨﮯ ﮨﯿﮟ۔ﺍﻥ ﺩﯾﻨﯽ ﻣﺪﺍﺭﺱ ﻧﮯ ﺗﻮ ﮐﺒﮭﯽ ﺍﺱ ﺍﻣﺮ ﮐﯽ ﺗﺸﮩﯿﺮ ﮐﯽ ﺿﺮﻭﺭﺕ ﻣﺤﺴﻮﺱ ﻧﮩﯿﮟ ﮐﯽ۔ﭘﮭﺮ ﺍٓﭖ ﻧﮯ ﺍﺗﻨﮯ ﻧﺎﺯﮎ ﺍﻭﺭ ﺳﯿﺎﮦ ﺗﺮﯾﻦ ﺩﻭﺭ ﻣﯿﮟ ﮐﯿﻮﮞ ’ ﺟﻤﻌﯿﺖ ﯾﻮﺗﮫ ﮐﻠﺐ ‘ ﺑﻨﺎﮐﺮ ﺍﺱ ﮐﯽ ﺗﺸﮩﯿﺮ ﮐﯽ۔ﻣﺠﮭﮯ ﻣﻌﻠﻮﻡ ﮨﮯ ﮐﮧ ﺍٓﭖ ﻧﮯ ﺍﺱ ﮐﺎ ﮐﻮﺋﯽ ﺍﺷﺘﮩﺎﺭ ﻧﮩﯿﮟ ﺩﯾﺎ۔۔۔ﮐﻮﺋﯽ ﭘﺮﯾﺲ ﮐﺎﻧﻔﺮﻧﺲ ﻧﮩﯿﮟ ﮐﯽ۔۔۔ﻟﯿﮑﻦ ﺗﺎﺯﮦ ﺧﺒﺮﻭﮞ ﮐﮯ ﺟﺲ ﺑﮭﺎﺭﯼ ﺑﮭﺮﮐﻢ ﻭﮨﺎﭨﺲ ﺍﯾﭗ ﮔﺮﻭﭖ ﮐﮯ ﺍٓﭖ ﺑﮭﯽ ﻣﻤﺒﺮ ﮨﯿﮟ ﺍﺱ ﮔﺮﻭﭖ ﮐﮯ ﺍﯾﮉﻣﻦ ﻧﮯ ﺍٓﭖ ﮐﮯ ﮨﯽ ﺣﻮﺍﻟﮧ ﺳﮯ ﭘﮩﻠﮯ ’ ﺟﻤﻌﯿﺖ ﯾﻮﺗﮫ ﻭﻧﮓ ‘ ﮐﯽ ﺧﺒﺮ ﺟﺎﺭﯼ ﮐﯽ ‘ ﭘﮭﺮ ﺧﻮﺩ ﺍٓﭖ ﻧﮯ ﺍﺱ ﮐﯽ ﺗﺼﺤﯿﺢ ﮐﺮﺗﮯ ﮨﻮﺋﮯ ﻟﮑﮭﺎ ﮐﮧ ﯾﮧ ﺟﻤﻌﯿﺖ ﯾﻮﺗﮫ ﻭﻧﮓ ﻧﮩﯿﮟ ﺑﻠﮑﮧ ﺟﻤﻌﯿﺖ ﯾﻮﺗﮫ ﮐﻠﺐ ﮨﮯ۔ﺍﺱ ﮐﮯ ﺑﻌﺪ ﻟﮕﺎﺗﺎﺭ ﺍﺱ ﮐﻠﺐ ﮐﯽ ﺗﺼﺎﻭﯾﺮ ﺍٓﺗﯽ ﺭﮨﯿﮟ۔ﺍﺱ ﮐﻠﺐ ﮐﮯ ﮐﺌﯽ ﭘﺮﻭﮔﺮﺍﻣﻮﮞ ﮐﯽ ‘ ﺟﻦ ﻣﯿﮟ ﻣﺘﻌﺪﺩ ﻋﻠﻤﺎﺀ ‘ ﮐﭽﮫ ﻣﻤﺘﺎﺯﺷﮩﺮﯼ ﺍﻭﺭ ﺧﻮﺩ ﺍٓﭖ ﺑﮭﯽ ﺑﮧ ﻧﻔﺲ ﻧﻔﯿﺲ ﻣﻮﺟﻮﺩ ﺗﮭﮯ ‘ ﻣﺰﯾﺪ ﺗﻔﺼﯿﻼﺕ ‘ ﻭﯾﮉﯾﻮﺯ ﺍﻭﺭ ﺗﺼﺎﻭﯾﺮ ﭘﮯ ﺩﺭﭘﮯ ﺟﺎﺭﯼ ﮨﻮﺋﯿﮟ۔ﯾﮧ ﺳﻠﺴﻠﮧ ﺍﺱ ﻭﻗﺖ ﺗﮏ ﺟﺎﺭﯼ ﺭﮨﺎ ﺗﺎﺍٓﻧﮑﮧ ﺩﯾﻮﺑﻨﺪ ﮐﮯ ﮨﯽ ﺍﯾﮏ ﻣﻘﺎﻣﯽ ﻣﺴﻠﻢ ﺭﭘﻮﺭﭨﺮ ﻧﮯ ﮨﻨﺪﯼ ﻣﯿﮟ ﯾﮧ ﺭﭘﻮﺭﭦ ﺷﺎﺋﻊ ﻧﮧ ﮐﺮﺩﯼ ﮐﮧ ’ ﺍٓﺭ ﺍﯾﺲ ﺍﯾﺲ ﮐﯽ ﻃﺮﺯ ﭘﺮ ﺟﻤﻌﯿﺖ ﻧﻮﺟﻮﺍﻧﻮﮞ ﮐﻮ ﭨﺮﯾﻨﻨﮓ ﺩﮮ ﺭﮨﯽ ﮨﮯ ‘ ۔ﺍﺱ ﮐﮯ ﺑﻌﺪ ﺑﻌﺾ ﭼﯿﻨﻠﻮﮞ ﭘﺮ ﺟﻮ ﮐﭽﮫ ﺍٓﯾﺎ ﻭﮦ ﺍٓﭖ ﮐﮯ ﺳﺎﻣﻨﮯ ﮨﮯ۔ﺣﯿﺮﺕ ﮨﮯ ﮐﮧ ﺍٓﭖ ﻧﮯ ﺍﺗﻨﺎ ﮐﭽﮫ ﮨﻮﻧﮯ ﮐﮯ ﺑﺎﻭﺟﻮﺩ ﺗﺮﺩﯾﺪ ‘ ﺗﺼﺤﯿﺢ ﯾﺎ ﺗﺼﺪﯾﻖ ﺟﺎﺭﯼ ﻧﮩﯿﮟ ﮐﯽ۔۔۔۔
ﯾﮧ ﻣﮩﻢ ﺍﻭﺭ ﺟﻮﺍﺑﯽ ﻣﮩﻢ ﮐﺌﯽ ﺭﻭﺯ ﺳﮯ ﺟﺎﺭﯼ ﮨﮯ۔ﻓﺮﯾﻘﯿﻦ ﺟﻮ ﺯﺑﺎﻥ ﺍﺳﺘﻌﻤﺎﻝ ﮐﺮ ﺭﮨﮯ ﮨﯿﮟ ﻭﮦ ﮐﺴﯽ ﮐﻮ ﺯﯾﺐ ﻧﮩﯿﮟ ﺩﯾﺘﯽ۔ ﺍﺱ ﺳﻠﺴﻠﮧ ﻣﯿﮟ ﻋﺰﯾﺰ ﺑﺮﻧﯽ ﮐﮯ ﺍﻭﻟﯿﻦ ’ ﻓﯿﺲ ﺑﮏ ﻻﺋﯿﻮ ‘ ﺳﮯ ﺟﻮ ﻣﻌﻠﻮﻡ ﮨﻮﺗﺎ ﮨﮯ ﻭﮦ ﯾﮧ ﮨﮯ ﮐﮧ ﺟﻤﻌﯿﺖ ﮐﯽ ﺍﺱ ﻗﺎﻧﻮﻧﯽ ﺍﻭﺭ ﺍٓﺋﯿﻨﯽ ﮐﻮﺷﺶ ﮐﮯ ﺧﻼﻑ ﻋﺰﯾﺰ ﺑﺮﻧﯽ ﮐﮯ ﻣﺬﮐﻮﺭﮦ ﺗﻘﺮﯾﺮﯼ ﻧﺸﺮﯾﮧ ﮐﮯﺩﻭﺭﺍﻥ ﮐﭽﮫ ﻋﻘﯿﺪﺕ ﻣﻨﺪﻭﮞ ﻧﮯ ﺍﻥ ﮐﯽ ﺷﺎﻥ ﻣﯿﮟ ﮔﺴﺘﺎﺧﯽ ﮐﺮﮈﺍﻟﯽ۔ﺍﺱ ﭘﺮ ﺑﺮﺍﻓﺮﻭﺧﺘﮧ ﮨﻮﮐﺮﺍﻧﮩﻮﮞ ﻧﮯ ﺑﮩﺖ ﺩﯾﺮ ﺗﮏ ﺍٓﻧﮑﮭﯿﮟ ﻧﮑﺎﻝ ﻧﮑﺎﻝ ﮐﺮ ﺟﻤﻌﯿﺖ ﮐﯽ ﭘﻮﺭﯼ ﺗﺎﺭﯾﺦ ﭘﺮ ﮨﯽ ﺳﻮﺍﻝ ﮐﮭﮍﺍ ﮐﺮﺩﯾﺎ۔ﺍﻧﮩﻮﮞ ﻧﮯ ﻋﻠﻤﺎﺀ ﮐﯽ ﺍﻓﺎﺩﯾﺖ ‘ ﺿﺮﻭﺭﺕ ﺍﻭﺭ ﺍﻥ ﮐﯽ ﺣﯿﺜﯿﺖ ﮐﻮ ﺑﮭﯽ ﮐﭩﮕﮭﺮﮮ ﻣﯿﮟ ﮐﮭﮍﺍ ﮐﺮﺩﯾﺎ۔ﻣﺠﮭﮯ ﺣﯿﺮﺕ ﺍﺱ ﭘﺮ ﮨﮯ ﮐﮧ ﻭﮦ ﺍﺏ ﮨﺮ ﺭﻭﺯ ﺟﻤﻌﯿﺖ ﮐﮯ ﺧﻼﻑ ﺑﮍﯼ ﭘﺎﺑﻨﺪﯼ ﮐﮯ ﺳﺎﺗﮫ ﻟﮑﮫ ﺭﮨﮯ ﮨﯿﮟ۔ﺣﺎﻻﻧﮑﮧ ﻣﯿﮟ ﺫﺍﺗﯽ ﻃﻮﺭﭘﺮﺑﮭﯽ ﺟﺎﻧﺘﺎ ﮨﻮﮞ ﺍﻭﺭﺍﺱ ﺯﻣﺎﻧﮧ ﻣﯿﮟ ﺭﺍﺷﭩﺮﯾﮧ ﺳﮩﺎﺭﺍ ﻣﯿﮟ ﮐﺎﻡ ﮐﺮﻧﮯ ﻭﺍﻟﮯ ﺩﻭﺳﺮﮮ ﺳﺎﺗﮭﯽ ﺑﮭﯽ ﺟﺎﻧﺘﮯ ﺗﮭﮯ ﮐﮧ ﻋﺰﯾﺰ ﺑﺮﻧﯽ ﺍﻭﺭ ﻣﺤﻤﻮﺩ ﻣﺪﻧﯽ ﮐﮯ ﺩﺭﻣﯿﺎﻥ ﺑﮍﺍ ﮔﮩﺮﺍ ‘ ﻏﯿﺮ ﭘﯿﺸﮧ ﻭﺭﺍﻧﮧ ﺗﻌﻠﻖ ﺗﮭﺎ۔ﺍﻥ ﮐﯽ ﺧﺒﺮﯾﮟ ‘ ﺍﻥ ﮐﮯ ﺑﯿﺎﻧﺎﺕ ﺍﻭﺭ ﺍﻥ ﮐﮯ ﺍﻧﭩﺮﻭﯾﻮﺯ ﺑﮍﮮ ﺍﮨﺘﻤﺎﻡ ﺳﮯ ﺷﺎﺋﻊ ﮨﻮﺗﮯ ﺗﮭﮯ۔ﺍﻥ ﮐﮯ ﺧﻼﻑ ﺑﺎﻟﻮﺍﺳﻄﮧ ﻃﻮﺭﭘﺮﺑﮭﯽ ﮐﻮﺋﯽ ﭼﮭﻮﭨﯽ ﻣﻮﭨﯽ ﺧﺒﺮ ﺍﮔﺮ ﻏﻠﻄﯽ ﺳﮯ ﺷﺎﺋﻊ ﮨﻮﺟﺎﺗﯽ ﺗﮭﯽ ﺗﻮﻣﺘﻌﻠﻘﮧ ﮐﺎﺭﮐﻦ ﮐﻮ ﺳﺰﺍ ﺗﮏ ﺩﯼ ﺟﺎﺗﯽ ﺗﮭﯽ۔ﭘﮭﺮ ﯾﮧ ﺍﭼﺎﻧﮏ ﮐﯿﺎ ﮨﻮﺍ؟ﮐﯿﻮﮞ ﺍٓﭖ ﺩﻭﻧﻮﮞ ﮐﮯ ﺩﺭﻣﯿﺎﻥ ﺑﺎﺕ ﯾﮩﺎﮞ ﺗﮏ ﭘﮩﻨﭻ ﮔﺌﯽ ﮨﮯ۔ﺍﻭﺭ ﻣﺤﻤﻮﺩ ﻣﺪﻧﯽ ﮨﯽ ﮐﯿﻮﮞ ﻋﺰﯾﺰ ﺑﺮﻧﯽ ﮐﻮ ﺗﻮ ﺩﯾﮕﺮ ﺗﻤﺎﻡ ﻗﺎﺑﻞ ﺫﮐﺮ ﻋﻠﻤﺎﺀ ﺍﻭﺭ ﺩﯾﻨﯽ ﻣﺪﺍﺭﺱ ﺳﺮﺍٓﻧﮑﮭﻮﮞ ﭘﺮ ﺑﭩﮭﺎﺗﮯ ﺗﮭﮯ۔ﻋﻠﻤﺎﺀ ﮐﺎ ﻟﮕﺎﻭٔ ﺗﻮ ﺳﻤﺠﮫ ﻣﯿﮟ ﺍٓﺗﺎ ﮨﮯ ﮐﮧ ﺍﻧﮩﯿﮟ ﺍﭘﻨﮯ ﺑﯿﺎﻧﺎﺕ ﺍﻭﺭ ﺧﺒﺮﻭﮞ ﮐﯽ ﺍﺷﺎﻋﺖ ﮐﺎ ﺫﻭﻕ ﺍﻥ ﮐﯽ ﻃﺮﻑ ﮐﮭﯿﻨﭻ ﮐﺮ ﻟﮯ ﺟﺎﺗﺎ ﺗﮭﺎ ﻟﯿﮑﻦ ﻋﺰﯾﺰ ﺑﺮﻧﯽ ﮐﻮﻋﻠﻤﺎﺀ ﺍﻭﺭ ﺩﯾﻨﯽ ﻣﺪﺍﺭﺱ ﺳﮯ ﮐﯿﺎ ﺷﻐﻒ ﺗﮭﺎ؟
ﻋﺰﯾﺰ ﺑﺮﻧﯽ ﺻﺎﺣﺐ ﮐﻮ ﯾﮧ ﺳﻤﺠﮭﻨﺎ ﭼﺎﮨﺌﮯ ﮐﮧ ﯾﮧ ﺩﯾﻨﯽ ﻣﺪﺍﺭﺱ ﮨﯽ ﮨﯿﮟ ﮐﮧ ﺟﮩﺎﮞ ﻭﮦ 57 ﮨﺰﺍﺭ ﻋﻠﻤﺎﺀ ﺗﯿﺎﺭ ﮐﺌﮯ ﮔﺌﮯ ﺗﮭﮯ ﺟﻨﮩﯿﮟ ﺍٓﺯﺍﺩﯼ ﮐﺎ ﺑﮕﻞ ﺑﺠﺎﻧﮯ ﮐﮯ ’ ﺟﺮﻡ ‘ ﻣﯿﮟ ﺗﮧ ﺗﯿﻎ ﮐﺮﺩﯾﺎ ﮔﯿﺎ ﺗﮭﺎ۔ﯾﮧ ﻣﺪﺍﺭﺱ ﮨﯽ ﮨﯿﮟ ﺟﮩﺎﮞ ﻭﻃﻦ ﺳﮯ ﻣﺤﺒﺖ ﮐﺮﻧﮯ ﻭﺍﻟﯽ ﻓﻮﺝ ﺗﯿﺎﺭ ﮐﯽ ﺟﺎﺗﯽ ﮨﮯ ۔ﺍﻭﺭ ﯾﮧ ﻭﮨﯽ ﻣﺪﺍﺭﺱ ﮨﯿﮟ ﺟﮩﺎﮞ ﺑﻼﺑﻼﮐﺮ ﺍٓﭖ ﮐﻮ ﺳﺮﮐﺎ ﺗﺎﺝ ﺑﻨﺎﯾﺎ ﮔﯿﺎ ﺍﻭﺭ ﺍٓﭖ ﮐﻮ ﺍٓﺑﺮﻭﺋﮯ ﺻﺤﺎﻓﺖ ﺍﻭﺭ ﻓﺨﺮ ﺻﺤﺎﻓﺖ ﮐﮯ ﺍﯾﻮﺍﺭﮈﺩﺋﮯ ﮔﺌﮯ۔ﺍﻭﺭ ﮨﺎﮞ ﯾﮧ ﻭﮨﯽ ﺟﻤﻌﯿﺖ ﻋﻠﻤﺎﺀ ﮨﮯ ﺟﺲ ﮐﮯ ﺩﻭﻧﻮﮞ ﺩﮬﮍﻭﮞ ﮐﻮ ‘ ﺩﻭﻧﻮﮞ ﻗﺎﺋﺪﯾﻦ ﺳﮯ ﺍﭘﻨﮯ ﮔﮩﺮﮮ ﺭﺷﺘﻮﮞ ﮐﯽ ﺑﻨﯿﺎﺩ ﭘﺮ ﺍٓﭖ ﻧﮯ ﺍﯾﮏ ﮐﺮﻧﮯ ﮐﯽ ﮐﻮﺷﺶ ﮐﯽ ﺗﮭﯽ۔ﺍٓﺝ ﺍٓﭖ ﺍﯾﮏ ﻣﻌﻤﻮﻝ ﮐﮯ ﮐﺎﻡ ﮐﻮ ﺑﮩﺎﻧﮧ ﺑﻨﺎﮐﺮﺟﻤﻌﯿﺖ ﺍﻭﺭ ﻣﺪﺍﺭﺱ ﮐﻮﺑﺎﻟﻮﺍﺳﻄﮧ ﻃﻮﺭﭘﺮ ﺩﮨﺸﺖ ﮔﺮﺩ ﺗﯿﺎﺭ ﮐﺮﻧﮯ ﮐﺎ ﮔﮍﮪ ﻗﺮﺍﺭ ﺩﯾﻨﮯ ﮐﯽ ﻣﺬﻣﻮﻡ ﮐﻮﺷﺶ ﮐﺮ ﺭﮨﮯ ﮨﯿﮟ۔۔ﮐﯿﺎ ﮐﺒﮭﯽ ﺍٓﭖ ﻧﮯ ﺍٓﺭ ﺍﯾﺲ ﺍﯾﺲ ’ ﺑﺠﺮﻧﮓ ﺩﻝ ﺍﻭﺭ ﻭﺷﻮ ﮨﻨﺪﻭ ﭘﺮﯾﺸﺪ ﮐﯽ ﻣﺴﻠﺢ ﺗﺮﺑﯿﺖ ﮔﺎﮨﻮﮞ ﮐﮯ ﺧﻼﻑ ﺍﺳﯽ ﻃﺮﺡ ﻣﮩﻢ ﭼﮭﯿﮍﯼ ۔۔۔ﺍٓﭖ ﺳﮯ ﺩﺳﺖ ﺑﺴﺘﮧ ﺍﯾﮏ ﮔﺰﺍﺭﺵ ﮨﮯ ﮐﮧ ﺧﺪﺍ ﮐﮯ ﻟﺌﮯ ﺍﺱ ﺑﮯ ﻓﺎﺋﺪﮦ ﺍﻭﺭ ﻧﻘﺼﺎﻥ ﺭﺳﺎﮞ ﻣﮩﻢ ﮐﻮ ﺭﻭﮎ ﺩﯾﺠﺌﮯ۔ﺍﺱ ﺳﮯ ﺍٓﭖ ﮐﻮ ﺗﻮ ﮐﻮﺋﯽ ﻓﺎﺋﺪﮦ ﻧﮩﯿﮟ ﮨﻮﮔﺎ ﻟﯿﮑﻦ ﺍﺱ ﻟﭩﯽ ﭘﭩﯽ ﻣﻠﺖ ﮐﺎ ﮐﻮﺋﯽ ﺑﮍﺍ ﻧﻘﺼﺎﻥ ﮨﻮﺟﺎﺋﮯ ﮔﺎ۔ﺩﻝ ﭘﺮ ﮨﺎﺗﮫ ﺭﮐﮫ ﮐﺮ ﺑﺘﺎﺋﯿﮯ ﮐﮧ ﮐﯿﺎ ﺍٓﭖ ﻣﻠﺖ ﮐﻮ ﺍﺱ ﻣﻤﮑﻨﮧ ﻧﻘﺼﺎﻥ ﺳﮯ ﺩﻭﭼﺎﺭ ﮐﺮﮐﮯ ﮐﻮﺋﯽ ﻗﻠﺒﯽ ﺳﮑﻮﻥ ﻣﻞ ﺟﺎﺋﮯ ﮔﺎ۔۔۔۔؟
ﻗﺒﻠﮧ ﻣﻮﻻﻧﺎ ﻣﺤﻤﻮﺩ ﻣﺪﻧﯽ ﺻﺎﺣﺐ ﮐﮯ ﻋﻘﯿﺪﺕ ﻣﻨﺪﻭﮞ ﺳﮯ ﺑﮭﯽ ﺍﯾﮏ ﻋﺮﺽ ﮨﮯ : ﻋﺰﯾﺰ ﺑﺮﻧﯽ ﺻﺤﺎﻓﯽ ﮨﯿﮟ ﯾﺎ ﻧﮩﯿﮟ ﺍﺱ ﭘﺮ ﻣﺨﺘﻠﻒ ﺍٓﺭﺍﺀ ﮨﻮﺳﮑﺘﯽ ﮨﯿﮟ۔ﻟﯿﮑﻦ ﺍﺱ ﻣﯿﮟ ﺩﻭﺭﺍﺋﮯ ﻧﮩﯿﮟ ﮨﻮﺳﮑﺘﯽ ﮐﮧ ﻭﮦ ﻋﺎﻟﻢ ﺩﯾﻦ ﻧﮩﯿﮟ ﮨﯿﮟ۔ﺍٓﭖ ﻋﻠﻤﺎﺀ ﺩﯾﻦ ﮨﯿﮟ … ﻋﻠﻤﺎﺀ ﺩﯾﻦ ﮐﻮ ﺍﻧﺒﯿﺎﺀ ﮐﺎ ﻭﺍﺭﺙ ﺑﺘﺎﯾﺎ ﮔﯿﺎ ﮨﮯ۔۔۔ﺍﻭﺭ ﺍﻓﻀﻞ ﺍﻻﻧﺒﯿﺎﺀ ﮐﮯ ﺍﺧﻼﻕ ﮐﻮ ﻣﺠﺴﻢ ﻗﺮﺍٓﻥ ﻗﺮﺍﺭ ﺩﯾﺎ ﮔﯿﺎ ۔۔۔ﻟﮩﺬﺍ ﺍٓﭖ ﮐﻮ ﻋﺰﯾﺰ ﺑﺮﻧﯽ ﮐﮯ ﺧﻼﻑ ﺍﯾﺴﯽ ﺯﺑﺎﻥ ﺍﻭﺭ ﺍﯾﺴﺎ ﻟﮩﺠﮧ ﺍﺳﺘﻌﻤﺎﻝ ﮐﺮﺗﮯ ﮨﻮﺋﮯ ﺩﯾﮑﮫ ﮐﺮ ﺭﻧﺞ ﮨﻮﺗﺎ ﮨﮯ۔۔۔۔۔۔۔

Post Top Ad

Your Ad Spot