آئین کی حفاظت۔

آئین کی کاپیاں جلانے پر ہیومن رائٹس کیر کمیٹی نئی دہلی کا احتجاج۔
. . . . . . . . . . . . . . . . .   . . . . . . .  
نامہ نگار صدائے وقت۔
. . . . . . . . . . . . . . . . . . . . . . . . . . . 
گزشتہ دنوں کچھ شر پسندوں کے ذریعہ جنتر منتر نئی دہلی کے پاس آئین کی کاپیاں جلانے پر  ہیومن رائٹ کیر کمیٹی نے شدید احتجاج کیا ہے کمیٹی کے قومی صدر و معروف سائنس داں ڈاکٹر جیا لال نے اس شر انگیز حرکت پر رد عمل ظاہر کرتے ہوئے کہا کہ بابا صاحب بھیم راو امبیڈکر کے بنائے ہوئے آئین ہند کی حفاظت ہم جیتے جی تک کریں گے۔آیئن کی حفاظت کے لئے جو بھی قربانی دینی ہوگی ہم دیں گے۔آیئن کے ایک ایک صفحے کی حفاظت کی لڑائی ہیومن رائٹ کیر کمیٹی کرے گی۔انھوں نے کہا کہ آئین ہند ہمارا دھرم گرنتھ ہے۔۔یہ دنیا کا سب سے اچھا آیئن ہے۔اسی آئین کے ہی سبب ملک کا نظام صحیح طریقے سے چل رہا ہے۔جس آئین کے دم پر پسماندہ۔کمزور و دبے کچلے لوگوں کو برابری کا حق دیا گیا۔انسانی حقوق کی حفاظت کی ضمانت دی گئی۔جس کتاب میں پاکھنڈ و فرضی کہانیاں نہیں بلکہ آئین کی دفعات لکھی گئی ہیں اس کی حفاظت کرنا ہر شہری کا فرض ہے۔
جن لوگوں کو آئین ہند نا پسند ہے وہ لوگ دوبارہ اس ملک میں انارکی پھیلانا چاہتے ہیں ۔جنھون نے آئین کو نذر آتش کیا  انھوں نے صرف بابا صاحب کے آئین کی مخالفت نہیں کی بلکہ آئین کے تحت ملنے والی تمام تر سہولیات جو کہ ہر مذہب و ذات کے لوگوں کو دستیاب ہے اس کی مخالفت کی ہے ۔ملک کے سوا سو کروڑ عوام انھیں کبھی معاف نہیں کریں گے۔انھوں نے ایسے لوگوں کو سخت سزا دینے کی مانگ کی۔
ڈاکٹر جیا لال جیسوار نے ملک کے عوام سے اپیل کی ہے کہ اس تنظیم سے لوگ جڑ کر آئین کی حفاظت کی تحریک کو مضبوط کریں۔