کانگریس کا ایک وفادار سپاہی چل بسا
تحریر ابونافع اعظمی
آج چھ اگست بروز دوشنبہ راجکمار دھون ۸۱ سال کی عمر میں آنجہانی ہوگئے انہیں عرف عام میں آر کے دھون کہا جاتا ہے ان کا نام آتے ہی وفاداری کی ایک بے مثال تصویر سامنے آجاتی ہے اپنی وفادار اور جفاکش طبیعت کی وجہ سے وہ نہرو گاندھی پریوار کا اٹوٹ انگ رہے نہرو جی سے لیکر سونیا گاندھی کے پیچھے پیچھے چلنے میں بیجا فخر محسوس کرتے کانگریس کے مختلف ادوار میں انہیں وزارتوں پر کام کرنے کا موقع بھی ملا اندرا گاندھی کے بہیمانہ قتل کے بعد سونیا جی کے ساتھ ساتھ سب سے پہلے پہونچنے والوں میں سے تھے ان کی زندگی بہت ڈسپلن اور سختیوں بھری تھی
دہلی کے صحافی وویک شکلا لکھتے ہیں کہ ان کا پریوار بٹوارے میں دہلی آیا اور یہ لوگ پناہگزینوں کے گڑھ قرولباغ میں پناہ گزیں ہوئے بچپن مشکلوں بھرا تھا مالی حالت خستہ ہونے کی وجہ سے پڑھائی کے ساتھ ساتھ قرولباغ کی ایک دکان میں کام بھی کرتے پڑھائی کے دوران ٹائپنگ اور شارٹ ہینڈ بھی سیکھ لی وہ ہندی اور انگریزی کی ٹائپنگ بڑی تیزی سے کرتے ایک منٹ میں سو سے زائد کی اسپیڈ سے ٹائپنگ کرتے تھے
آج ان کے جانے سے وفاداری کا ایک دور ختم ہوگیا کانگریس کا ایک وفادار سپاہی دنیا چھوڑ چلا کانگریس ہی ان کے لئے اوڑھنا بچھونا رہی کانگریس کے لئے ان کا جینا مرنا رہا۔