صدائے وقت ۔از مولانا طاہر مدنی۔
. . . . . . . . . . . . . . . . . . . . . . . . . . .
علی گڑھ مسلم یونیورسٹی میں منعقدہ ایس آئی او کے پروگرام کے متعلق مولانا طاہر مدنی کی ایک مختصر و جامع رپورٹ۔
. . . . . . . . . . . . . . . . . . . . . . . . . . .
ایس آئی او کے ذمہ داران قابل مبارکباد ہیں کہ انہوں نے طلبہ مدارس کیلئے کل ہند مقابلے کا اہتمام کیا، جس میں حفظ، تجوید، کوئز، مضمون نویسی اور ڈیبیٹ کے مقابلے ہوئے، اس مسابقتی پروگرام کو؛ تفوق؛ کے نام سے آرگنائز کیا گیا تھا. نیشنل سکریٹری برادر عبد الودود نے بہت خوبصورت انداز سے اسے منظم کیا تھا، فائنل راؤنڈ کے مقابلے ادارہ تحقیق و تصنیف علی گڑھ میں منعقد ہوئے. ڈیبیٹ کا موضوع تھا؛ آزاد ہندوستان میں مسلم سیاست؛. مجھے اسے کوارڈینیٹ کرنے کا موقع ملا، طلبہ کی معلومات اور اسلوب و انداز سے خوشی ہوئی.... مدارس کے تقریباً 100 طلبہ نے ان مقابلوں میں حصہ لیا. آخری اجلاس کی صدارت محترم امیر جماعت اسلامی ہند مولانا سید جلال الدین عمری حفظہ اللہ نے کی. طلبہ کو گرانقدر انعامات سے نوازا گیا. اس طرح کے مقابلے طلبہ میں مسابقت کا جذبہ پیدا کرتے ہیں اور ان کی بڑی ہمت افزائی ہوتی ہے؛ ذرا نم ہو تو یہ مٹی بڑی زرخیز ہے ساقی
طاھر مدنی 16 ستمبر 2018
