Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Thursday, September 6, 2018

بزم تنویر ادب کے زیر اہتمام ادبی نشست۔

شاہ گنج،جون پور(معراج احمد۔صدائے وقت)۔
. . . . . . . . . . . . . . . . . . . . . . . . . . . 
بزم تنویر ادب کی83ویں ماہانہ طرحی نشست بزرگ شاعر ظفر ہاشمی کے اعزاز میں بزم کے دفتر میں منعقد ہوئی۔صغیر انور محمد آبادی،متین خیرآبادی اور سرور ایڈووکیٹ نے بحیثیت مہمانان خصوصی شرکت کی۔ نشست کا آغاز ندیم شاہدی اور موسیٰ صبرحدی کے نعتیہ کلام سے ہوا
. . . . . . . . . . . . . . . . . . . . . .  . . . 
مصرعہ طرح ’’وہ اپنے آپ میں اک آسماں ہے"
. . . . . . . . . . . . . . . . . . . . . . . . . . . 
پرشعرا نے اپنا کلام پیش کیا۔کچھ منتخب اشعارنذر قارئین ہیں۔
مہ و خورشید ہیں دامن میں اس کے،
وہ اپنی ذات میں اک آسماں ہے۔                         صغیر انور محمدآبادی
. . . . . . . . . . . . . . . . . . . . . . . . . . . 
جسے کہتے تھے ہم سونے کی چڑیا
یہ بھارت کیا وہی ہندوستاں ہے۔                            اخلاقؔ بندوی
. . . . . . . . . . . . . . . . . . . . . . . . . . . 
ہے جس کا شوق کلیوں کو مسلنا
اسی کے ہاتھ نظم گلستاں ہے۔                                متین خیرآبادی۔
. . . . . . . . . . . . . . . . . . . . . . . . . . .
محبت میں کوئی مرتا کہاں ہے
محبت تو حیات جاوداں ہے۔                                  اسلم ہاشمی۔
. . . . . . . . . . . . . . . . . . . . . . . . . . . 
جلا سکتی نہیں ہے دھوپ غم کی
تری زلفوں کا جب تک سائباں ہے۔                       رفیق پھول پوری۔
. . . . . . . . . . . . . . . . . . . . . . . . . . . 
وہ لہجہ لے گیا میرا چرا کر
مرے منہ میں کہاں میری زباں ہے۔                         میکش انجمی۔
. . . . . . . . . . . . . . . . . . . . . . . . . . . 
اس کے علاوہ تسکین اعظمی،مظہر اعظمی،غفران صبرحدی،ڈاکٹر آفتاب مجاہد،فہیم جون پوری،عادل غالب پوری،ڈاکٹر خالدؔ اعظمی،ظفر اعظمی،نسیم ساز، سہیل اختر سکروروی،ظفر ہاشمی، ندیم شاہدی،سکون جون پوری اورخالد صبرحدی نے بھی اپنا کلام پیش کیا۔ نشست کی صدارت سہیل اختر سکروروی اور نظامت اخلاقؔ بندوی نے کی۔

Post Top Ad

Your Ad Spot