Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Friday, September 7, 2018

ہم جنسی سے متعلق مولانا سید محمود مدنی کا بیان۔

ہم جنسی سے متعلق سپریم کورٹ کے فیصلہ پر جمیت العلماء کے جنرل سکریٹری مولانا سید محمود مدنی کا دوٹوک بیان۔
. . . . .  . . . . . . . . . .  . . . . . . . . . . . 
ایسا عمل جس سے انسانی سماج، خاندان اور نسل انسانی کی ترقی متاثر ہو، اس کو آزادی کے زمرہ میں رکھ کر درست قرار نہیں دیا جاسکتا۔
. . . . . . . . . . . . . . . . . . . . . . . . . . . 
چند اباحیت پسندوں کے شور شرابہ کو بنیاد بنا کر پورے سماج کو بے اطمینانی اور اخلاقی دشواری میں نہیں ڈال سکتے۔
. . . . . . . . . . . . . . . . . . . . . . . . . .  
صدائے وقت۔
۔۔۔۔۔۔۔۔۔۔۔۔۔۔۔۔
نئی دہلی، 6 ستمبر۔ جمعیۃ علماء ہند نے ہم جنسی سے متعلق سپریم کورٹ کے فیصلے کو بھارت کے مذہبی اور تہذیبی اقدار کے خلاف قراردیا ہے۔ اس سلسلے میں  جمعیۃ   علماء ہند کے جنرل سکریٹری مولانا محمود مدنی نے اپنے بیان میں کہا ہے کہ ہمارا معاشرہ پہلے ہی جنسی جرائم اورتشددکے مسا ئل سے دوچارہے، اب ایسے حالات میں ہم جنسی کی اجازت دینا نا قابل فہم ہے۔ انھوں نے کہا کہ سپریم کورٹ کو ۲۰۱۳ء میں دیے گئے اپنے فیصلے پر قائم رہنا چاہیے تھا جس میں ہم جنسی کے قانون کو باقی رکھنے کا فیصلہ کیا گیا تھا۔

مولانا مدنی نے استدلال کیا کہ ہم جنسی فطرت سے بغاوت ہے، اس سے بے راہ روی اور بے چینی پھیلے گی اور جنسی جرائم میں اضافہ ہو گا۔ بنیادی حقوق اپنی جگہ، لیکن ایسا عمل جس سے انسانی سماج، خاندان اور نسل انسانی کی ترقی متاثر ہو، اس کو آزادی کے زمرہ میں رکھ کر درست قرار نہیں دیا جاسکتا، آپ چند اباحیت پسندوں کے شور شرابہ کو بنیاد بنا کر پورے سماج کو بے اطمینانی اور اخلاقی دشواری میں نہیں ڈال سکتے، دنیا میں عہد قدیم سے ایسے افراد رہے ہیں جوہم جنسی کے مریض ہیں، مگر تمام آسمانی کتابوں میں اسے اللہ اور اس کے فطری نظام سے بغاوت قراردیا گیا ہے۔

مولانا مدنی نے کہا کہ  جمعیۃ علماء ہند نوجوانوں کے اصلاح کی بات کرتی ہے۔ یہ حقیقت بھی ہے کہ ملک کی ہمہ جہت ترقی نوجوانوں کی اصلاح کے بغیر ممکن نہیں ہے۔ مگر اس طرح کی قانونی اجازت کے بعد والدین کو اپنے نوعمر بچوں کے اخلاق کے سلسلے میں کافی فکر مندی لاحق ہوجائے گی اور جگہ جگہ اٹھنے بیٹھنے سے ایک دوسرے پر شک و شبہ اور بے اطمینانی پیدا ہو گی۔

Post Top Ad

Your Ad Spot