جونپور۔یوگی کو کالا جھنڈا دکھانا پڑا مہنگا۔

جونپور۔یوگی کو کالا جھنڈا دکھانا پڑا مہنگا۔سماج وادی پارٹی کارکن کو پولیس کی اذیت۔
. . . . . . . . . . . . . . . . . . . . . . . . . . .
جونپور۔اتر ہردیش۔نمائندہ صدائے وقت۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گزشتہ دنوں وزیر اعلیٰ یو پی یوگی آدیتہ ناتھ کے جونپور دورے کے دوران کالا جھنڈا دکھانے پر سپا کارکن رجنیش مشرا کو کافی مہنگا پڑ رہا ہے۔سماج وادی کارکن رجنیش کو پولیس نے موقع سے ہی گرفتار کر لیا تھا۔موصولہ خبروں کے مطابق اس کارکن پر پولیس تھرڈ ڈگری استعمال کر رہی ہے ۔اس واقعہ کو لیکر عام آدمی پارٹی کے ضلع صدر ڈاکٹر انوراگ مشرا نے اپنا احتجاج درج کراتے ہوئے واقعہ کی مذمت کی ہے۔انھوں نے کہا کہ بی جے پی  اپنی مخالفت برداشت نہیں کر پاتی ہے تھانہ میں دی گئی اذیت پولیس کی بر برتا کی نشانی ہے۔انھون نے کہا کہ عاپ کا ایک وفد جلد ہی ان سے ملاقات کرے گا اور ان کی خیریت لے گا اور گنہگار پولیس والوں پر کاروائی کی مانگ کرے گا۔ ڈاکٹر انوراگ مشرا نے کہا کہ نظریاتی لحاظ سے ہم لوگ ایک دوسرے کے مخالف تو ہو سکتے ہیں لیکن انسانیت کو کچلنے والی ہر حرکت کو ہمیں مل کر مقابلہ کرنا چاہئے۔پولیس کے ذریعہ کی گئی کاروائی قابل مذمت و ناقابل معافی ہے ۔انھوں نے یو پی سرکار سے سوال کیا کہ کیا سیاسی مخالفت کے بدلے پولیس کی تھرڈ ڈگری اذیت کا سامنا کرنا پڑے گا۔کمیشن برائے انسانی حقوق کو اس معاملے کا خود علم لیکر کاروائی کرنی چاہئے۔
ذرائع سے معلوم ہوا ہے کہ رجنیش مشرا کی طبیعت کافی خراب چل رہی ہے۔