(1)ساؤتھیمپٹن ٹسٹ انڈیا انگلینڈ کے چانسز برابر
(2)ایشیا کپ کیلئے سولہ رکنی ٹیم میں ظہیر ثانی کی آمد۔
. . . . . . . . . . . . . . . . . . . . . . . . . .
تحریر/ ابونافع اعظمی(صدائے وقت)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساؤتھمپٹن میں انڈیا انگلینڈ کے درمیان ہونے والے چوتھے ٹسٹ میں تیسرے دن دونوں ٹیموں کی صورتحال یکساں ہے انگلینڈ نے پرسوں ٹاس جیت کر بیٹنگ کا فیصلہ کیا لیکن سوائے نوجوان آل راؤنڈر سیم کرن اور معین علی کے پوری ٹیم بھارتی بولروں کے سامنے ٹک نہ سکی اور پہلی اننگ میں 246 رن ہی بنا سکی انگلینڈ ٹیم میں دونوں تبدیلیاں مفید ثابت ہوئیں اولی پوپ کی جگہ معین علی اور زخمی ووکس کی جگہ پہلے ٹسٹ کے مرد میداں سیم کرن نے لی جنہیں تیسرے ٹیسٹ میں حیرت انگیز طور پر ڈراپ کردیا گیا تھا اور اس میچ کو جیت کر انڈیا نے سیریز میں واپسی کی تھی انڈیا نے اپنی پہلی اننگ میں 273 رن بنائے معین علی نے اسپنر کو بخوبی کھیلنے والے ہندوستانی بلے بازوں کو زیادہ کھل کر کھیلنے کا موقع نہیں دیا صرف کلاسی بلے پجارا بیچارا آخر تک ڈٹ کے 129 رنز کی یادگار پاری کھیلی معین علی نے 53رنز دیکر پانچ وکٹیں چٹکائیں جبکہ دوسرے دن کے کھیل کے اختتام پر انگلینڈ نے چھ رن بغیر وکٹ کھوئے بنا لئے تھے آج تیسرے دن لنچ اور لنچ کے بعد بھارتی پیسروں کا دبدبہ رہا 122 رنز پر پانچ وکٹ انگلینڈ کے اکھاڑ ڈالے اس کے بعد اسٹوکس بٹلر اور سیم کرن کی ذمہ دارانہ بیٹنگ کے باعث انگلینڈ آٹھ وکٹ پر 260 رنز بنا چکا تھا اور بھروسے مند کھلاڑی کرن 37 رنز پر ناٹ آوٹ ہیں اب کل باقی بچے دو کھلاڑی براڈ اور اینڈرسن کتنا جوڑ پائیں گے وہ صبح ہی پتہ چلے گا ہندوستان بولروں نے اگر صبح سستے میں نمٹا دیا تو ہندوستان کے لئے یہ ٹسٹ جیتنے کے امکانات روشن ہوجائیں گے ورنہ اسپورٹس اسٹار پر ہندی کے تبصرہ نگار اجے جدیجہ ، وویک رازداں ، محمد کیف ، دیپ داس گپتا اور آشیش نہرا کا کہنا کہ اس غیر متوازن باؤنس والی پچ پر چھوٹا ھدف بھی مشکل ہوسکتا ہے بہرحال کل کا دن بڑا فیصلہ کن دن ہوگا کہ کیا انڈیا یہ ٹسٹ جیت کر برابری کرلے گا اگر ایسا ہوا تو سات ستمبر سے شروع ہونے والا پانچواں ٹسٹ شائقین کے لئے بڑا دلچسپ ثابت ہوگا ہندوستانی ٹیم میں پجارا اور کوہلی سے کرکٹ تجزیہ نگاروں کو بڑی امیدیں ہیں۔
. . . . . . . . . . . . . . . . . . . . . . . . . .
ایشیا کپ کے لئیے 16 رکنی ٹیم۔
. . . . . . . . . . . . . . . . . . . . . . . . . . .
آج ہی دبئی میں ہونے والے ایشیا کپ کے لئے ٹیم انڈیا کی ون ڈے ٹیم کا اعلان ہوا کپتان کوہلی کو ریسٹ دیا گیا ہے روہت شرما کی کپتانی میں سولہ رکنی ٹیم میں خلیل احمد کے انتخاب سے ٹیم انڈیا میں ظہیر ثانی کی آمد ہوئی ہے
بائیں ہاتھ کے سوئنگ گیند باز خلیل احمد ٹونک راجستھان کے ایک کمپونڈر باپ کے ہونہار سپوت ہیں 2016 میں انڈیا کی انڈر 19 کا حصہ تھے اسی سال سنٹرل زون کی طرف سے ساؤتھ زون کے خلاف ایک میچ میں نو وکٹ لیکر نظروں میں آگئے 2018 کے آئی پی ایل میں حیدراباد نے تین کروڑ میں خریدا اب تک گیارہ ٹی ٹونٹی میں سترہ وکٹ لے چکے ہیں انڈر 19 سے انڈیا ٹیم اے تک کا سفر تجربہ کار دراوڈ کی نگرانی میں کیا ہے آج ھندوستان ٹائمز کو اپنے ایک انٹریو میں خلیل نے کہا کہ مجھے یقین نہیں آرہا ہے کہ میں ٹیم انڈیا ون ڈے کا حصہ بن چکا ہوں انہوں نے دراوڑ کے تئیں اپنی ممنونیت کا اظہا ر کرتے ہوئے کہا کہ مجھے اس مقام تک پہونچانے میں ان کا بڑا ہاتھ ہے میں ظہیر خان کی گیندبازی دیکھتے ہوئے بڑا ہوا ہوں وہ میرے بولنگ آئیڈیل ہیں۔
