اعظم گڑھ ۔۔اتر پردیش۔نمائندہ صدائے وقت۔بشکریہ محمد نایاب خاں ایڈوکیٹ۔
. . . . . . . . . . . . . . . . . . . . . . . . . . .
ضلع کے پھولپور تحصیل حلقہ کے تحت موضع برولی صدر پور میں آئندہ 12/13/14/اکتوبر کو عالمی تبلیغی اجتماع ہونا تھا جس کی تیاری ایک ماہ سے چل رہی تھی ۔اس پروگرام کی سرکاری طور پر اجازت کے لئیے دو ماہ قبل درخواست دی گئی تھی مگر ہم وطن بھائیوں کے تیوہاروں کے مد نظر انتظامیہ نے اجازت نہیں دی ۔دوشنبہ کو پولیس نے موقع پر پہنچ کر ہو رہے کاموں کو رکوا دیا اور کہا کہ اس پروگرام کی اجازت ابھی نہیں ملی ہے۔اس بات کی اطلاع لوگوں نے ضلع کے اعلیٰ حکام کو دیا ۔ضلع حکام نے موقع کی نزاکت کو سمجھتے ہوئے اے ڈی ایم و ایس پی دیہات مع فورس اجتماع گاہ میں پہنچ کر جائزہ لیا اور موجود عوام و ذمے داران سے بات چیت کی اور گزارش کی کہ آپ لوگ اپنی تاریخ کو تیوہاروں کے مد نظر تھوڑا آگے بڑھا کر 26/27/28 اکتوبر کر لیں۔جس پر لوگ راضی ہوگئیے۔اس موقع پر ایس پی دیہات این پی سنگھ نے کہا کہ اس پروگرام میں نظم ونسق کو چاق وچوبند رکھنے کے لئیے فورس کے علاوہ بجلی پانی و بیت الخلاء کا انتظام کریں گے۔اس موقع پر ایس ڈی ایم للت کپور۔کوتوال پھولپور نگیش اپادھیائے۔شبو۔مسعودمنا۔طارق شمیم ۔شاہد شاداب۔کلیم احمد اوربڑی تعداد میں عوام موجود تھے۔
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
نوٹ۔۔۔ادارہ صدائے وقت کی جانب سے یہ اطلاع دی جاتی ہے کہ موضع برولی صدر پور۔پھولپور میں اکتوبر 12/13/14 کو عالمی تبلیغی اجتماع کی تاریخ کو آگے بڑھا کر 26/27/28 اکتوبر کر دیا گیا ہے۔
