گجرات۔شمالی ہند کے لوگوں پر حملے کو لیکر مایاوتی کا بیان۔

لکھنئو۔۔۔صدائے وقت (ذرائع)۔
. . . . . . . . . . . . . . . . . . . . . . . . . . .  
جنکی وجہ سے مودی فتحیاب ہوئے انھیں پر گجرات میں حملہ۔
. . . . . . . .  مایا وتی۔
. . . . . . . . . . . . . . . . . . . . . . . . . . . 
گجرات میں شمالی ہند و غیر گجراتیوں پر ہو رہے حملے کو لیکر سیاست تیز ہو گئی ہے۔بی جے پی کا الزام ہے کہ یہ سب کانگریس کی سازش ہے۔اسی کڑی میں بی ایس پی سپریمو مایاوتی نے بھی مودی پر حملہ بول دیا ہے انھوں نے کہا کہ جن لوگوں کیوجہ سے شمالی ہند میں مودی فتحیاب ہوئے اب انھیں کو نشانہ بنایا جا رہا ہے ۔مایاوتی نے مانگ کی کہ حملہ آوروں پر سخت کاروائی کی جائے۔
واضح ہو کہ گزشتہ 28 ستمبر کو گجرات کے سابر کانٹھا ضلعے میں ایک 14 ماہ کی بچی کے ساتھ ریپ کئیے جانے کے معاملے میں ریاست میں غیر گجراتیوں پر حملے ہوئے۔ملزم صوبہ بہار کا رہنے والا تھا مگر نشانے پر سبھی شمالی ہند کے لوگ خاص طور پر یو پی و بہار کے لوگ تھے۔گجرات سے غیر گجراتیوں کے بھاگنے کا سلسلہ جاری ہے۔