اسلامی نہج پر فرد کی تربیت اور معاشرے کی اصلاح میں علماء کرام کا اہم کردار۔
مولانا رفیق قاسمی۔
. . . . . . . . . . . . . . . . . . . . . . . . . . .
نئی دہلی۔. مورخہ 7 اکتوبر۔(پریس ریلیز۔) صدائے وقت۔
. . . . . . . . . . . . . . . . . . . . . . . . . . .
جماعت اسلامی ہند حلقہ دہلی و ہریانہ کی جانب سے دہلی میں مسجداشاعت اسلام میں ایک اجلاس عام بعنوان "اسلامی معاشرے کے قیام میں علماء کرام کا کردار"منعقد ہوا۔جس میں مختلف مسالک کے علماء کرام نے شرکت کی۔پروگرام کا آغاز تلاوت قرآن مجید و نعت رسول سے ہوا۔امیر حلقہ نے افتتاحی کلمات پیش کئیے۔مولانا رفیق قاسمی ،سکریٹری شعبہ اسلامی معاشرہ جماعت اسلامی ہند نے کلیدی خطاب پیش کرتے ہوئے کہا کہ معاشرے میں علماء کرام کا مقام و مرتبہ مسلم ہے،قرآن و حدیث میں ان کے مقام و مرتبہ کا تذکرہ موجود ہے۔وارثین انبیاء کہکر ان کا تعارف کرایا گیا ہے۔اس کے ساتھ ہی ان پر جو ذمے داریاں ڈالی گئیں ہیں وہ بھی واضح ہیں۔علماء کرام قائدین امت اور اسلام کے ترجمان ہیں۔لہذا بلا تفریق مسلک و منہج، مل جل کر امت کے متحدہ مقاصد کے حصول و اقامت دین کی کوشش کرنا، امت کے تمام دینی و اخلاقی، معاشرتی و سیاسی مسائل میں رہنمائی کرنا ان کی ذمےداری ہے۔جسے انجام دیکر و عند اللہ بیترین اجر کے مستحق ہوں گے اور دنیا میں اپنے رتبہ بلند کو برقرار رکھ سکیں گے۔
