بچوں میں چیچک کی وبا سے گاوں والوں کو تشویش۔

جون پور  اتر پردیش۔(نمائندہ)۔
. . . . . . . . . . . . . . . . . . . . . . . . . . . 
۔کھیتاسرائے تھانہ حلقہ کے رانی مؤ گاو ں میں راج بھر بستی میں چھوٹی چیچک پھیلنے کی اطلاع پر بدھ کو صحت محکمہ کی ٹیم نے گاو ں پہنچ کر مبتلابچوں کی جانچ کی۔
سوندھی صحت مرکز کے انچارج رمیش چندرا نے بتایا کہ گاؤں میں 16 بچوں کی جانچ کی گئی ہے اور ٹیم نے خون کے نمونے لے لئے ہیں۔ جانچ رپورٹ ملنے کے بعد یہ واضح ہو جائے گا کہ بچے مزلس مبتلا ہے یا چیچک سے متاثر ہیں۔رپورٹ ملنے پر مکمل علاج کیا جائے گا۔ٹیم میں شیتلا پرساد صحت سپروائزر، ستیش چندر ڈبلو ایچ او مانیٹر اور اے این ایم رمتا دیوی شامل رہی۔