دارالعلوم دیوبند کی سجاد لائبریری کی تعمیر نو کا سنگ بنیاد

دارالعلوم دیوبند کی قدیم اور تاریخی  انجمن ”سجاد لائبریری “ کی تعمیر نو  کا سنگ بنیاد۔
. . . . . . . . . . . . . . . . . . . . . . . . . .  
تحریر/ مولانا سراج ہاشمی۔سکریٹری جمیة العلماء ہند ضلع سلطان پور۔صدائے وقت۔
. . . . . . . . . . . . . . . . . . . . . . . . . . . 
سجاد لائبریری “  دارالعلوم دیوبندمیں زیر تعلیم طلبہ بہار، جھاڑکھند اوڈیشہو اور نیپال کی مشترکہ اورمرکزی لائبریری ہے؛ جسے امیر شریعت رابع مولانا سید منت اللہ رحمانی مونگیریؒ نے اپنے زمانۂ طالب علمی 1346ھ میں قائم کیا تھا جس کے سرپرست اول شیخ الاسلام حضرت مولانا سید حسین احمد مدنیؒ تھے، انجمن کی پرانی عمارت چھوٹی اور کتابوں کے لیے ناکافی تھی، نیز عمارت مخدوش ہونے کی وجہ سے تقریاًپندرہ سالوں سے اس کی تعمیر نو کی بات چل رہی تھی، مگر کسی نہ کسی وجہ سے اس کام کی تکمیل نہیں ہوپارہی تھی، لیکن سال رواں ”حضرات سرپرستان و منسلکین بزم “کی جہد مسلسل رنگ لے آئی ہے اور  الحمد للہ  آج بروز منگل بتاریخ 04/دسمبر 2018 بمطابق 25 /ربیع الاول 1440ہجری  صبح دس بجے  قائد ملت، جانشین شیخ الاسلام  مولانا سید ارشد مدنی ، ادیب العصر مولانا نور عالم خلیل امینی ایڈیٹر ماہنامہ "الداعی"(سرپرست بزم ہٰذا) ، مولانا حبیب الرحمٰن اعظمی،  مفتی حبیب الرحمٰن خیرآبادی صدر مفتی دارالعلوم دیوبند مولانا عبد الخالق مدراسی نائب مہتمم دارالعلوم دیوبند،  متکلم اسلام مفتی راشد اعظمی،مولانا معین الدین (نگراں بزم ہٰذا),  مولانا شاہ عالم گورکھپوری، مفتی اشرف عباس،  مولانا شاہد,  مولانا جمال الدین اور مفتی سراج صاحب سمیت متعدد بزرگان دین و علماء شرح متین   کے مبارک   ہاتھوں رکھ دیا گیا، تعمیری مرحلے کا با ضابطہ آغاز ہوچکا ہے، تعمیر کا مجموعی صرفہ پچیس لاکھ ہے، ہمیں امید ہے کہ اللہ عز و جل اس کار خیر کو جلد از جلد پایۂ تکمیل کو پہونچائےگا انشاء اللہ ۔
لہٰذا ہم خدامِ ”بزم سجاد“أبناء سجاد سے درخواست کرتے ہیں کہ اپنی جانب سے اور اپنے احباب، مخلصین و متعلقین کی جانب سے اس کام کو تکمیل تک ہہونچانے میں ہماری مدد فرمائیں، نیز اس عظیم و بلند عزائم میں شریک ہوکر فلاح و فوز کا سبب بنیں، تاکہ بہ عجلت اس کارِخیر کو پایۂ تکمیل کو ہہونچایا جاسکے ۔والسلام
اِنَ اللّٰه لَايُضِيعُ اَجرَالمُحسِنِينَ
بینک اکاؤنٹ درج ذیل ہے
Name: SAJJAD LYBRARY
A/C: 32770648605
IFSC Code: SBIN0000632
Branche: DEOBAND
SBI