Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Monday, April 15, 2019

ممتاز شاعر و فلمی نغمہ نگار " حسرت جے پوری کے یوم ولادت کے موقع پر۔

تاریخ ولادت - ١٥ /اپریل / ١٩١٨*
*معروف فلم نغمہ نگار ، راج کپور کے ساتھ طویل وابستگی کے لئے مشہور اور ممتاز شاعر” حسرتؔ جئے پوری  “ ...*/ صدائے وقت۔
. . . . . . . . . . . . . . . . . . . . . . . . . . . 
نام *محمد اقبال حسین* اور *حسرتؔ* تخلص تھا۔ *١٥ اپریل ۱۹۱۸ء* میں پیدا ہوئے۔ آبائی وطن *جئے پور* تھا۔ روزگار کے سلسلے میں بمبئی آگئے۔ بمبئی میں انھوں نے کئی سال تک بس کنڈکٹری کی۔ اس سے قبل اوپیراہاؤس کے فٹ پاتھ پر کھلونے فروخت کیے۔ اسکول میں معمولی ملازمت کی۔ اس دوران ان کی شاعری کا شغل جاری رہا۔ایک مشاعرے میں پرتھوی راج کو ان کا کلام بہت پسند آیا۔ ان کی وساطت سے انھیں راج کپور کی فلم *’’برسات‘‘* میں گانے لکھنے کا موقع مل گیا۔ اس طرح وہ فلمی دنیا سے منسلک ہوگئے۔ وہ بالی ووڈ (بمبئی) کے ممتاز نغمہ نگار تھے۔ *۱۷؍ستمبر۱۹۹۹ء* کو *بمبئی* میں اس جہان فانی سے کوچ کرگئے۔
  *معروف نغمہ نگار حسرت جئے پوری کے منتخب اشعار...*
. . . . . . . . . . . . . . . . . . . 

حسرت جے پوری
. . . . . . . . 
دیوار  ہے  دنیا  اسے راہوں سے ہٹا دے
ہر رسمِ محبت کو مٹانے کے لیے آ
---
*ہم راتوں کو اٹھ اٹھ کے جن کے لیے روتے ہیں*
*وہ غیر کی بانہوں میں آرام سے سوتے ہیں*
---
جب پیار نہیں ہے تو بھلا کیوں نہیں دیتے
خط کس لئے رکھے ہیں جلا کیوں نہیں دیتے
---
کہیں وہ آ کے مٹا دیں نہ انتظار کا لطف
کہیں قبول نہ ہو جائے التجا میری
---
خدا جانے کس کس کی یہ جان لے گی
وہ قاتل ادا وہ قضا مہکی مہکی
---
*کس واسطے لکھا ہے ہتھیلی پہ مرا نام*
*میں حرف غلط ہوں تو مٹا کیوں نہیں دیتے*
---
یہ کس نے کہا ہے مری تقدیر بنا دے
آ اپنے ہی ہاتھوں سے مٹانے کے لیے آ
---
*اندازِ ستم ان کا دیکھے تو کوئی حسرتؔ*
*ملنے کو تو ملتے ہیں  نشتر سے چبھوتے ہیں*

Post Top Ad

Your Ad Spot