نئی دہلی / صدائے وقت/ 22 مئی 2019۔
مرکز جماعت اسلامی ہند کیمپس، نئی دہلی میں کل اجتماعی افطار کا نظم کیا گیا ، جس میں کیمپس میں قائم تمام دفاتر ( مرکز ، مرکزی مکتبہ اسلامی پبلشرز ، اسلامی ساہتیہ ٹرسٹ (ہندی شعبہ) ، ریڈینس (انگریزی ہفت روزہ) ، دعوت (اردو سہ روزہ) کانتی ، (ہندی ہفت روزہ و ماہ نامہ) ، اسلامی اکیڈمی ، اسٹوڈینٹس اسلامک آرگنائزیشن (SIO) اور مدھر سندیش سنگم میں کام کرنے والے تمام کارکنان اور ملازمین شریک ہوئے
مرکز جماعت اسلامی ہند کیمپس، نئی دہلی میں کل اجتماعی افطار کا نظم کیا گیا ، جس میں کیمپس میں قائم تمام دفاتر ( مرکز ، مرکزی مکتبہ اسلامی پبلشرز ، اسلامی ساہتیہ ٹرسٹ (ہندی شعبہ) ، ریڈینس (انگریزی ہفت روزہ) ، دعوت (اردو سہ روزہ) کانتی ، (ہندی ہفت روزہ و ماہ نامہ) ، اسلامی اکیڈمی ، اسٹوڈینٹس اسلامک آرگنائزیشن (SIO) اور مدھر سندیش سنگم میں کام کرنے والے تمام کارکنان اور ملازمین شریک ہوئے
_
بڑا قابلِ دید منظر تھا کہ جماعت کے ذمے داران : امیر ، نائب امرا ، قیّم (سکریٹری جنرل) ، سکریٹریز اور اسٹنٹ سکریٹریز کے ساتھ تمام کارکنان اور ملازمین ، حتیٰ کہ سیکورٹی گارڈز بھی دسترخوان پر موجود تھے _ خواتین کے لیے علیٰحدہ انتظام کیا گیا تھا اور مرکز کیمپس میں رہنے والی تمام خواتین کو بچوں اور بچیوں کے ساتھ مدعو کیا گیا تھا _ افطار اور نمازِ مغرب سے فارغ ہونے کے بعد کھانے کا بھی نظم کیا گیا تھا _
افطار سے قبل مختصر پروگرام بھی رکھا گیا تھا ، جس میں محترم قیّم جماعت جناب ٹی ، عارف علی نے ابتدا میں استقبالیہ کلمات پیش کیے ، پھر محترم امیر جماعت جناب سید سعادت اللہ حسینی نے مختصر تقریر کی _ انھوں نے فرمایا کہ اسلام نے اجتماعیت کا تصوّر پیش کیا ہے _ تمام عبادات اجتماعی طور پر انجام دی جاتی ہیں _ وحدتِ فکر کی بڑی اہمیت ہے _ ضروری ہے کہ ہمارے فکر و عمل میں ہم آہنگی ہو _ انھوں نے فرمایا کہ کیمپس میں رہنے والے تمام لوگ ایک فیملی کے مثل ہیں _ وقتاً فوقتاً ہمیں اکٹھا ہونا اور ایک دوسرے سے ملاقات کرنی چاہیے _ اسی مقصد سے آج کا یہ اجتماعی افطار رکھا گیا ہے _
اجتماعی ملاقات کے اس طرح کے پروگرام جماعت میں ہر سطح پر ہونے چاہیں ، بلکہ دوسری دینی جماعتوں اور تنظیموں میں بھی اس کو رواج دینے کی ضرورت ہے _ اس سے ایک ساتھ کام کرنے والوں اور ان کی فیملیز کے درمیان روابط بڑھیں گے اور تعلقات میں اضافہ ہوگا _