اعظم گڑھ۔۔۔اتر پردیش۔۔۔نمائندہ صدائے وقت۔
. . . . . . . . . . . . . . . . . . . . . . . . . . .
سراۓ میر اعظم گڈھ کے مشہور ٹیکنیکل ادارہ قاسمی کمپیوٹر انسٹی ٹیوٹ کی جانب سے رمضان المبارک کے موقع پر آن لائن کوئز کمپٹیشن پروگرام بحسن وخوبی اختتام پذیر
ہوا۔
. . . . . . . . . . . . . . . . . . . . . . . . . . .
سراۓ میر اعظم گڈھ کے مشہور ٹیکنیکل ادارہ قاسمی کمپیوٹر انسٹی ٹیوٹ کی جانب سے رمضان المبارک کے موقع پر آن لائن کوئز کمپٹیشن پروگرام بحسن وخوبی اختتام پذیر
ہوا۔
ڈائریکٹر محمد انظر اعظمی نے بتایا کہ رمضان المبارک کے مہینے میں طلبہ خصوصاً آج کا نوجوان جو تراویح وغیرہ سے فارغ ہوکر اپنا وقت فضول ہوٹلوں،لہوولعب یا موبائل کے فضول استعمال میں صرف کرتا ہے،اسی وجہ سے طلباء کے وقت کو قیمتی بنانے کیلئے رمضان المبارک کے مہینے میں انسٹی ٹیوٹ کی جانب سے آن لائن کوئز کمپٹیشن پروگرام کا انعقاد کیا جاتا ہے،امسال کا یہ پروگرام 9/رمضان المبارک سے 23/ رمضان المبارک تک ہر روز رات 10 بجے سے گیارہ بجے کے درمیان آفیشل واٹس ایپ گروپ میں پیش ہوتا رہا،اس مختصر مقابلے میں ہر روز طلباء کے درمیان تین عنوان کے تحت سوالات ارسال کئے جاتے تھے، پہلا سوال اسلامی ہوتا،دوسرا جنرل نالج سے متعلق جبکہ تیسرا سوال ذہنی آزمائش اور دماغ دوڑائیں کا ہوتا تھا،پروگرام میں سوال کے ہی فی الفور طلباء کے جوابات آنے شروع ہوجاتے صحیح اور غلط جوابات کو دیکھ کر ہر روز رزلٹ تیار کیا جاتا تھا،جس میں تیز اور درست جواب دینے والے طلباء اسٹار بن کر پوائنٹ حاصل کرتے تھے،اس پروگرام میں ہر روز کسی نہ کسی معروف ومشہور شخصیات کی آن لائن شرکت ہوتی تھی جو پروگرام کو دیکھ کر اپنا تاثر پیش کرتے اور طلباء کی حوصلہ افزائی بھی فرماتے،پروگرام میں خاص طور پر مولانا عبدالملک بجنوری استاد شعبہ انگلش دارالعلوم دیوبند،مولانا یونس اعظمی مکہ مکرمہ،پروفیسر حکیم ارشاد احمد،مولانا محمد ارشد صاحب میسورکرناٹک،مولانا افضل قاسمی،مولانا امداد اللہ مئو،مفتی محمد اعظم اعظمی،جناب عبید الرحمٰن سابق چیئرمین سرائے میر،مینیجر محمدفیصل اعظمی،مولانا ازھد جونپوری ، مفتی احمد اعظمی ، مولانا عاصم کمال اعظمی ، مولانا عبد اللہ اعظمی ، مولاناشاکر اعظمی ،اور مولانا اظفر اعظمی نے شرکت کی،انہوں نے طلبہ کو مبارکباد پیش کرتے ہوئے کہاکہ یہ دلچسپ اور رنگارنگ آن لاٸن پروگرام دیکھ کر دلی مسرت ہوئی،سوالات بہت عمدہ اور دلکش تھے،سوالات کے آتے ہی جوابات کی بارشیں اس قدر تیز ہوتیں کہ لبوں پر مسکراہٹ پھیل جاتی،انہوں نے کہا کہ یہ پروگرام بہت ہی منفرد،کارآمد،معلومات سے بھرپور اور مختصر وقت میں ہر روز پیش ہوتا رہا،یہ پروگرام اس دور انحطاط میں جہاں ایک طرف موبائل،سوشل میڈیا کے میدان میں ایک مفید پلیٹ فارم ہے وہیں دوسری جانب طلباء عزیز کو دینیات وتاریخ اسلامی کے مطالعہ کی فکر اور لگن پیدا کرنے میں بھی بے حد موثر ذریعہ ثابت ہوگا ۔
پروگرام کے اخیر میں ڈائریکٹر محمد انظر اعظمی نے طلباء کو مبارکباد پیش کرتے ہوئے تمام مہمانوں کا شکریہ ادا کیا۔
