باراتیوں سے بھری اسکارپیو حادثہ کا شکار

جون پور۔۔اتر پردیش۔ (نماٸندہ)۔
   ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرپتہاں تھانہ حلقہ میں لکھنؤ۔بلیا شاہراہ واقع خان پور چوروا پر باراتیوں سے بھری اسکارپیو ٹائر بلاسٹ ہونے سے بے قابو ہوکر نیچے کھائی میں پلٹ گئی۔حادثہ میں ڈرائیور سمیت پانچ باراتی شدید زخمی ہو گئے۔سبھی زخمیوں کو شاہ گنج مردانہ اسپتال میں داخل کرایا گیا ہے۔
بتاتے ہیں کہ علاقہ کے ساری بڑونا گاؤں سے بارات سرائے محی الدین پور گئی تھی جہاں سے واپس لوٹتے وقت اسکارپیو کا ٹائر تیز آواز کے ساتھ بلاسٹ ہو گیا جس کے سبب میں اسکارپیو میں سوار دولہے کے والد تلسی رام جتن،سریندر کمار ساکن ساری بڑونا،ہری رام ساکن اوڑلی مانک پور سلطان پور،راجندر پرساد ساکن نظام پور تھانہ کوتوالی شدید طور سے زخمی ہو گئے۔حادثہ ہوتے ہی بارتیوں کی چیخ وپکار سن پہنچے مقامی لوگوں نے پولیس کو اطلاع دیتے ہوئے ایمبولنس کی مدد سے سبھی کو علاج کیلئے مقامی مردانہ اسپتال میں داخل کرایا جہاں سبھی زیر علاج ہیں۔