اعظم گڑھ۔۔گاڑی پلٹ جانے سے تین افراد زخمی۔

اعظم گڑھ۔۔۔اترپردیش/ صداٸے وقت/ عبد الرحیم صدیقی کی رپورٹ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لال گنج ۔۔۔۔ دیوگاؤں کوتوالی علاقہ کے ناوپور اقبالپور واقع انجینئرنگ کالج واپس جاتے وقت گاڑی پلٹ جانے سے اسمیں سوار تین اشخاص زخمی ہوگئے۔ 

انجینئرنگ کالج سے پروفیسر ڈاکٹر وپن مہادیون، ڈاکٹر وجے کمار اور لیب اسسٹنٹ آلوک لال گنج سے منگل کی رات 12 بجے کے قریب انجینئرنگ کالج واپس جا رہے تھے کہ دیوگاؤں جیولی راستے پر چوکی گاؤں کے قریب ٹریکٹر سے بچنے کی کوشش میں انکی گاڑی پلٹ گئی جس میں سوار  تینوں اشخاص زخمی ہوگئے۔ انکے مطابق سامنے سے آنے والے ٹریکٹر کی ایک لائٹ ہی جل رہی تھی جس سے ڈرائیور نزدیک آتے ہی بچنے کی کوشش میں کار بیقابو ہوکر پلٹ گئی۔ 

انجینئرنگ کالج میں ہی گارڈ کی ڈیوٹی پوری کرکے چیوار رودرپور رہائشی ہیرا یادو واپس آ رہے تھے کہ بھیڑ دیکھ کر وہ بھی وہیں رک گئے اور انہوں نے کالج کی ایمبولینس سے انہیں سی ایچ سی لال گنج بھجوایا جہاں علاج کے بعد سبھی کو چھٹی دے دی گئی۔