طلاق ثلاثہ بل سے کیا حقیقتاً بے جے پی کو سیاسی فاٸدہ یا محض خوش فہمی!

اداریہ/صداٸے وقت/خصوصی نماٸندہ۔
=========================
مورخہ ٢٥ جولاٸی کو ایک نشست میں تین طلاق کو بل صوتی ووٹوں سے لوک بھا میں تیسری بار پاس ہوا۔بل کو لوک بھا میں وزیر قانون روی پرساد نے پیش کیا دن بھر اس مسٸلے پر پارلیمنٹ میں گرما گرم بحث ہوٸی اور آخر کار دیر شام ووٹنگ ہوٸی جس میں بل کی حمایت میں 82  اور مخالفت میں 303 ووٹ پڑے۔اب یہ بل راجیہ سبھا میں جاٸے گا۔

کانگریس، ترنمول کانگریس سمیت دیگر اپوزیشن پارٹیوں نے بل کی مخالفت میں احتجاجاً واک آوٹ کیا ساتھ ہی این ڈی اے کا حصہ جنتا دل یوناٸیٹیڈ نے بھی بل کی مخالفت میں واک آوٹ کیا۔
یہ تیسرا موقع ہے جب مودی سرکار نے تین طلاق بل پارلیمنٹ میں پیش کرکے پاس کروایا۔پہلی بار یہ بل راجیہ سبھا سے پاس نہ ہوسکا تو مودی سرکار نے آرڈیننس جاری کیا۔دوسری بار جب پیش کیا تو راجیہ سبھا میں پہنچنے کی نوبت نہیں آٸی عام پارلیمانی الیکشن کا اعلان ہوگیا تاہم مودی سرکار اس مسٸلے کو لیکر اتنی بیدار رہی کہ آرڈیننس کی مدت میں توسیع کی گٸی۔اب ہ تیسری بار لوک سبھا میں پیش ہوکر پاس کرا لی گٸی ہے ۔حالانکہ راجیہ سبھا میں اس کا پاس ہونا مشکل ہے تمام حزب اختلاف کی جماعتیں اس کی مخالفت کررہی ہیں ۔بیجو جنتا دل نے تو صاف طور پر عندی دیا ہے کہ وہ راجیہ سبھا میں اس بل کی مخالفت کرے گی۔
تمام حزب اختلاف کی جماعتوں ، مسلم تنظیموں ، مسلم خواتین کی اکثریت ، دیگر غیر مسلم دانشوران کی مخالفت کے باوجود بھی مودی حکومت اس بل کو لیکر کیوں اتنا سنجیدہ ہے سمجھ سے بالا تر ہے۔جمیتہ علمإ کی بل مخالف ریلی،مالیگاوں میں ہزاروں مسلم خواتین کا سڑکوں پر مظاہرہ بی جے پی کو بیدار کرنے اور اس متنازعہ بل سے کنارہ کشی اختیار کرنے کے لٸیے کافی تھا۔
اس بل کے ذریعہ ایک نشست میں تین طلاق کو جراٸم کی کٹیگری میں لا دیا گیا۔حالانکہ یہ بالکل سماجی اور مذہبی مسلہ تھا جسکو علمإ دین ۔مسلم پرسنل لإ بورڈ اور دیگر مسلم تنظیمیں اصلاحی پروگرام منعقد کرکے اس کو ختم کرسکتے تھے۔سوال یہ پیدا ہوتا ہے کہ بی جے پی کو اس بل سے اتنی دلچسپی کیوں؟
اول یہ کہ اپنے منشور و منصوبے کے تحت بی جے پی اور آرایس ایس کے لوگ مسلم پرسنل لإ میں بے جا مداخلت کی کوشش کررہے ہیں ۔اس میں مسلم خواتین کی کوٸی بھلاٸی نہیں ہے بلکہ مسلم عورتوں کے نام پر مسلم مردوں کو پریشان کرنے کی کوشش ہے۔
ددوسری بات یہ کہ بی جے پی اور ان کے ورکرس کو یہ غلط فہمی یا خوش فہمی ہے کہ اس بل سے مسلم عورتیں کافی خوش ہیں اور اپنے شوہروں اور گھر والوں سے چھپا کر بی جے پی کو ووٹنگ کرتی ہیں۔کسی ادنیٰ یا اعلیٰ ورکرس سے گفتگو کرنے پر یہ بات عیاں ہوتی ہے کہ کچھ بھی کہو ان لوگوں کے دل میں ہ بات گھر گٸی ہے کہ اس بل سے بی جے پی کو بہت بڑا سیاسی فاٸدہ ہو رہا ہے اور اگر یہ مستقل قانون بن گیا تو مسلمانوں کی نصف آبادی ہمیشہ بی جے پی کے حق میں ووٹ کرے گی۔
اب ان لوگوں کو کون سمجھاٸے کہ مسلم عورتیں بھی اپنی شریعت سے ایک انچ بھی ہٹنے کو تیار نہیں چاہے کچھ بھی قانون بنا لو۔
کیا واقعی میں بی جے پی کو اس بل سے سیاسی فاٸدہ ہوگا یا محض ان کی خوش فہمی یا غلط فہمی ہے۔