✏ فضیل احمد ناصری /صداٸے وقت
========================
تجھے کیا ملے گا ظالم، جو لگا ہے ملتزم سے
ترا دل تو ہے برہمن، ترا ربط ہے صنم سے
تو خدا کا ترجماں ہے کہ مبلغِ بتاں ہے
تری دشمنی عرب سے، تری دوستی عجم سے
نہ سفیر تو حرم کا ، نہ سفیر میں حرم کا
تجھے کام اپنے غم سے، مجھے کام اپنے غم سے
تو اگر نہیں مجاہد ، تو بسا جبیں میں سجدے
کہ نہ ہو سکا کسی سے، جو ہوا ہے چشمِ نم سے
یہ اگر بتا نہ پایا کوئی رازِ حرفِ الّا
ترا مدرسہ ہے کم تر ، کسی بت کے آشرم سے
مرے دوست دار لے آ، تو زباں پہ حرفِ مطلب
مجھے آگہی نہیں ہے ترے لب کے پیچ و خم سے
جسے حق بیانیوں پر کوئی دسترس نہیں ہے
اسے حق نہیں پہونچتا کہ وہ کام لے قلم سے
ترے ساز میں اثر ہے مرے سوز کی بدولت
مری ہر فغاں ہے برتر، تری صوتِ زیر و بم سے
مرے پاس آ کہ کر دوں تری اصل تجھ پہ ظاہر
یہ جہاں ہےتیرےدم سے،یہ جہاں ہےتیرےدم سے
