Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Monday, November 4, 2019

”بانگ کہن“ ۔۔۔۔۔سلسلہ 61 ........از/مولانا فضیل احمد ناصری۔

*بانگِ کہن، سلسلہ 61*

✏ فضیل احمد ناصری /صداٸے وقت۔
=======================
بے سمت جا رہے ہیں خدا کو بھلا کے لوگ
اترا  رہے  ہیں  بے سبب نعرے لگا  کے لوگ

ایمن  نہ  ہو ، کوئی  تمہیں  گر مرحبا کہے
ملتے ہیں آستین میں خنجر چھپا کے لوگ

اب  تو  شعور و فکر کے  سانچے  بدل  گئے
خوش ہورہےہیں راہ میں کانٹےبچھاکےلوگ

شعلے  کو  شبنمی  قبا  پہنا  کے چل بسے
یا رب! کہاں  ملیں گے وہ راہِ وفا کے لوگ

ہم  روشنی بکھیر کر سولی پہ چڑھ  گئے
دادیں  سمیٹتے رہے شمعیں بجھا کے لوگ

اے   ہم  ضمیر !  نام   نہ   لے   انقلاب  کا
مے خانے جا کے بیٹھ گئے ہیں دعا کے لوگ

اب   تک   ہے   اعتماد  ہمیں  کانگریس  پر
تھک کر ہوئے ہیں چور جسے  آزما کے لوگ

ملت  سے اجتناب  پر  حیرت  نہیں مجھے
چلتے ہیں  ہر  غریب سے پہلو بچا کے لوگ

دو پل سےآگے بڑھ نہ سکیں نوحہ خوانیاں
آرام  کر  رہے  ہیں  لحد  میں  دبا  کے  لوگ

Post Top Ad

Your Ad Spot