“بانگ کہن” سلسلہ۔63۔از/ مولانا فضیل احمد ناصری۔

*بانگِ کہن، سلسلہ 63*

✏ فضیل احمد ناصری /صداٸے وقت۔

==============================

خدا کی  بارگہ  میں جا کے پھر  دامن درازی  کر

خودی سے  رابطہ محکم بنا ، فطرت کو غازی کر

وضو کر اٹھ  کے تو  پہلے  پہل  اشکِ ندامت سے

بتوں کو دل بدر کر  اور  پھر  خود  کو  نمازی کر

شرارِ   بولہب    شمعِ    رسالت   پر    ہوا   حاوی 

جگا  اپنی  حمیت  اور  کوئی   چارہ   سازی   کر

ممولے  چھا  گئے  شاہین ! پھر تیری فضاؤں میں

پہاڑوں  سے  نکل  کر  آسماں  میں  شاہ  بازی کر

گناہوں  کی  نجاست  سے  بچا  اپنی  جوانی  کو

غلامی بت کدے کی چھوڑ، دیں کی  سرفرازی کر

نہ   کر   آمیزشِ  کفر   و   ہدایت   کو   شعار  اپنا

زباں  تیری  حجازی  ہے تو دل کو بھی حجازی کر

فرنگی  دانش  و بینش  بصیرت  چھین  لیتی  ہے

اگر  تو  صاحبِ  نسبت ہے،  ترکِ  شیشہ  بازی  کر 

جو مومن ہے تو پھر اغیار کی منت کشی کب تک

مسلمانوں  کی  صف  سے  پھر غزالی اور رازی کر

ترے  نالے  ہیں  اب  تک  ناصری! تاثیر  سے  خالی

جگر  کا  خون  دے  کر  اپنے  آنسو  کو  پیازی  

کر