نٸی دہلی۔۔۔صداٸے وقت/نماٸندہ /٩ دسمبر ٢٠١٩۔
==============================
وزیر داخلہ امت شاہ نے دوپہر میں شہریت ترمیمی بل پیش کیا۔جسکی ٹی ایم سی ۔سماجوادی پارٹی و کانگریس و دیگر پارٹیوں نے شدید مخالفت کی۔اس کو اقلیتوں کے خلاف بتایا۔اور مطالبہ کیا کہ بل پارلیمنٹ میں نہ پیش کیا جاٸے۔۔۔کیونکہ یہ بل آٸین کی دفعہ 11 اور دفعہ 14 کے منافی ہے۔
اس پر امت شاہ نے شہری ترمیمی بل لانے کا جواز پیش کرتے ہوٸے کہا کہ یہ بل اقلیتوں کے خلاف نہیں ہے۔اور نہ ہی آٸین کی کسی دفعہ کے منافی ہے بطور خاص انھوں نے آرٹیکل 14 کی بات کرتے ہوٸے کہا کہ اس دفعہ میں ہندوستان کے تمام شہریوں کو برابری کا حق دیا گیا ہے تو پھر اقلیتوں کو جو خصوصی درجہ حاصل ہے وہ کیوں۔؟۔انھوں نے کہا کہ ہندوستان کی زمینی سرحدوں سے متصل تین ممالک افغانستان، پاکستان و بنگلہ دیش ایسے ملک ہیں جن کا مذہب اسلام ہے اور ان ممالک میں غیر مسلم اقلیتوں کے ساتھ مذہبی تشدد ہوا جسکی وجہ سے وہ بھارت ہجرت کر گٸیے۔ایسے لوگوں کو شہریت ملے گی۔ان ممالک کے مسلمانوں کے ساتھ مذہبی تشدد نہیں ہوا ہے لہذا وہ اس بل کا فاٸدہ نہیں اٹھا سکیں گے۔حالانکہ وہ شہریت کے لٸے عرضی دے سکتے ہیں۔وزیر داخلہ نے کہا کہ جب ملک کی تقسیم مذہب کی بنیاد پر ہوسکتی ہے جسکی ذمے دار کانگریس ہے تو شہریت کیوں نہیں۔۔آٸین کی کسی بھی دفعہ میں قانون سازی کے لٸیے منع نہیں کیا گیاہے۔
امت شاہ کے اس بیان کے چلتے حزب اختلاف کا شور و غلام جاری رہا اور شدید مخالفت کے چلتے بل کو پیش کرنے کے لٸیے ووٹنگ کراٸی گٸی ۔ہاوس کی تعداد 375 تھی جس میں بل کی حمایت میں 293 اور مخالفت میں 82 ووٹ پڑے۔اور اس طرح سے بل لوکسبھا میں بحث کے لٸیے منظور کر لیا گیا۔۔۔۔
