جون پور۔۔اتر پردیش۔ (نماٸندہ ۔۔صداٸے وقت)۔
==============================
اتر پردیش ثانوی اساتذہ ایسوسی ایشن نوین کے ضلع صدر دھرمیندر یادو کی قیادت میں پرانی پنشن بحالی کے لئے جدوجہد کرتے ہوئے، شہید استاذ رام آشیش سنگھ کے تیسرے یوم شہادت / یوم مسلح افواج پرچم کے موقع پر نیم فوجی دستوں کے لئے وقف خون عطیہ کیمپ کا اہتمام کیا گیا۔ پروگرام کے مہمان خصوصی ضلع مجسٹریٹ دنیش سنگھ اور صدارت سی ایم اوڈاکٹر رام جی پانڈے نے کی۔
پروگرام کے افتتاح کے موقع پر ضلع مجسٹریٹ نے خون کا عطیہ کرنے والے اساتذہ کو خطاب کرتے ہوئے کہا کہ خون کا عطیہ کرنا بہت کی ثواب کا کام ہے۔ خون کا عطیہ دے کر آپ صحتمند رہ سکتے ہیں اور دوسروں کو زندگی بخش سکتے ہیں، لہذا سبھی کو اس میں حصہ لینا چاہئے۔ سی ایم او ڈاکٹر پانڈے نے خون دینے والے اساتذہ کی تعریف کرتے ہوئے کہا کہ خون کا عطیہ دینے سے دل کا دورہ، کینسر جیسی سنگین بیماریوں کے امکانات بہت کم ہوجاتے ہیں۔ خون کا عطیہ دیتے ہوئے یونین کے ضلع صدر دھرمیندر یادو نے کہا کہ معاشرے میں کیمپوں کے انعقاد سے، اسکولوں / کالجوں میں تعلیمی سیمینار کے ذریعے لوگوں کو خون کے عطیہ کے بارے میں آگاہ کیا جارہا ہے۔ اس سے عطیہ دہندگان کی تعداد میں اضافہ ہورہا ہے۔ ڈاکٹر سنیل کانت تیواری نے اساتذہ اور ساتھیوں سے کہا کہ ہمیں فوجی جوانوں کے لئے خون کے عطیہ کیمپ میں بہت زیادہ حصہ لینا چاہئے۔ سینئر نائب صدر رتیش یادو نے کہا کہ ہم اساتذہ ہر سال خون کا عطیہ کریں گے۔ اس کے لئے حکومت کو چاہئے کہ ہمارا پرانی پنشن بحال کریں۔ ضلع سیکریٹری شیلندر کمار نے خون کا عطیہ دیتے ہوئے حکومت سے بڑھاپے کی پنشن بحال کرنے کا مطالبہ کیا۔ خون کا عطیہ کرنے والوں میں نائب صدر سدیپ سنگھ، راج کیشور یادو، حوصلہ پرساد پال، اونیش موریا، رتیش یادو، ناگیندر یادو، برج بھوشن، راگھویندر سنگھ، ہیرا لال، اجیت کمار، وجئے بہادر یادو، رائے صاحب، راجندر پرساد، چندرشیکھر یادو سمیت دیگر اساتذہ موجود رہے۔
