نٸی دہلی/صداٸے وقت /ذراٸع/٢٤ جنوری ٢٠٢٠۔
==============================
سپریم کورٹ آف انڈیا نے مرکزی الیکشن کمیشن کو ہندوستان میں مجرمانہ مقدمہ میں ملوث افراد کے انتخابی میدا میں داخلے پر روک لگانے کے لیے لائحہ عمل مرتب کرنے کی ہدایت دی ہے۔ کورٹ نے اس سلسلہ میں الیکشن کمیشن کو ایک ہفتے کے اندر جواب داخل کرنے کی ہدایت دی ہے۔ اس پہلے الیکشن کمیشن نے عدالت کو بتایا کہ ہندوستان میں مجرموں مقدمہ میں ملوث افراد کے سیاست میں داخلے پر روک لگانے کے لیے تمام تر کوششیں ناکام ہوگئی ہے۔الیکشن کمیشن نے کورٹ سے سفارش کی ہے کہ عدالت مجرموں کو ٹکٹ نہ دینے کا حکم صادر کریں۔ الیکشن کمیشن نے کہا کہ عدالت سیاسی جماعتوں سے مجرمانہ پس منظر کے امیدواروں کو ٹکٹ نہ دینے کو کہے۔
جس کے بعدسپریم کورٹ نے الیکشن کمیشن کو ایک ہفتے کے اندر اقدامات تجویز کرنے کی ہدایت دی ہے۔ عدالت نے کمیشن سے کہا ہے کہ وہ ایک روڈ میپ تیار کریں اور ایک ہفتہ کے اندر عدالت میں پیش کریں تاکہ ملک کی سیاست کو جرائم پیشہ افراد سے پاک بنایاجاسکے۔
