Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Saturday, February 15, 2020

بلریا گنج معاملہ۔۔اعظم گڑھ کے وکیلوں نے پولیس رویہ کے خلاف ہاٸی کورٹ میں عرضی داخل کرنے کی کی تیاری۔

اعظم  گڑھ اتر پردیش۔/صداٸے وقت /نماٸندہ۔
=================================
سی اے اے کے خلاف ملک میں احتجاج جاری ہے۔اتر پردیش کے مردم خیز ضلع اعظم گڑھ میں بھی احتجاج کی چنگاری رہ رہ کے بھڑک جاتی ہے۔۔یہاں پر کٸی بار احتجاجی مظاہرے ہوٸے۔۔یہاں کے وکلإ بھی اس معاملے میں پیچھے نہیں رہے۔۔دیوانی عدالت سے جلوس کی شکل میں ڈی ایم کو سی اے اے کو واپس لینے کےتعلق سے صدر جمہوریہ و وزیر اعظم کو منسوب میورینڈم بھی دے چکے ہیں۔
گذشتہ دنوں ضلع کے معروف قصبہ بلریا گنج میں احتجاج کر رہی خواتین پر رات کے وقت بڑی بے شرمی سے ظالمانہ انداز میں لاٹھی چارج کیا۔آنسو گیس کے گولے چھوڑے گٸے۔احتجاج گاہ میں پانی بھر دیا گیا۔بہت ساری خواتین زخمی ہوٸیں اور دو درجن سے زاٸد افراد پر مقدمہ کرکے جیل بھیج دیا گیا جس میں معروف عالم دین مولانا محمد طاہر مدنی سمیت نابالغ بچے بھی ہیں ان پر ملک کی غداری و دیگر دفعات کے تحت مقدمہ درج کیا گیا۔یہ لوگ ابھی تک اپنی ضمانت کا انتظار کر ہے ہیں۔
اس سلسلے میں اعظم گڑھ کے وکلإ نے ایک بار پھر اپنی بیداری کا ثبوت دیتے ہوٸے ہاٸی کورٹ سے دخل اندازی کا مطالبہ کیا ہے۔

سموویدھان بچاٶ ادھیوکتا سمیتی اعظم گڑھ کے زیر اہتمام ہاٸی کورٹ الہ آباد میں ایک عرضی داخل کرنے کی تیاری ہے جس میں کہا گیا ہےکہ :::::
”اعظم گڑھ کے بلریاگنج کے محمد علی جوہر پارک میں سی اے اے ، این آر پی و این آرسی کی مخالفت میں احتجاج کررہی خواتین پر اعظم گڑھ کی پولیس نے مورخہ چار فروری کو رات میں ساڑھے تین بجے جب کچھ خواتین نماز ادا کر رہی تھیں احتجاج کو ختم کرانے کے لٸے بھدی بھدی گالیاں دیں۔بوٹوں سے مارا ۔آنسو گیس داغے ۔پانی کو بوچھاریں کی۔اینٹ پتھر و ربر کی گولیاں پھینکی گٸی۔۔ملک سے غداری ، ارادہ قتل جیسی سنگین دفعات میں مقدمہ داٸر کرکے بے گناہ و نابالغ بچوں تک کو گرفتار کرکے جیل میں ڈال دیا گیا اور ان لوگوں کو خونخوار قیدیوں کے ساتھ رکھا گیا ہے۔مورخہ ١٢ فروری کو میموریڈم کے ذریعہ ضلع مجسٹریٹ اعظم گڑھ کی توجہ اس جانب مبذول کراٸی جاچکی ہے۔“

اس سلسلے میں سمویدھان بچاٶ  سمیتی کا مطالبہ ہے کہ عدالت عظمیٰ پورے معاملے کی جانچ کراٸے اور ناجاٸز طریقے سے کارواٸی کرنے والے پولیس افسران و اہلکار ملزمان کے خلاف کارواٸی کرے۔
اس سلسلے میں ایڈو کیٹ شمیم احمد ،ایڈوکیٹ شمس الدین خان ، ایڈوکیٹ پرویز احمد نے نماٸندہ صداٸے وقت کو بتایا کہ ہندوستان کے آٸین کو بچانے کے لٸے وکلإ ہمیشہ تیار رہیں گے اور آٸین میں رہتے ہوٸے جو بھی ممکن ہوگا کیا جاٸے گا اور ہم لوگ سی اے اے کی پر زور مخالفت کرتےہوٸے اعظم گڑھ میں پولیس تشدد کی بھر پور مذمت کرتے ہیں ۔
اس موقع پر ایڈوکیٹ شیو گووند یادو ، سچدا نند راٸے،ایڈوکیٹ انل کمار راٸے ،ایڈوکیٹ دیارام یادو و ایڈوکیٹ نجیب احمد وغیرہ موجود رہے۔

Post Top Ad

Your Ad Spot