Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Tuesday, February 11, 2020

جیت کے بعد عآپ کے کارکنوں نے امیت شاہ سے پوچھا۔ کرنٹ لگا کیا؟

نئی دہلی( صداٸے وقت /ذراٸع/11 فروری2020)۔
==============================
دہلی اسمبلی الیکشن کے 70 نشستوں پر ابتدائی رجحانات میں کیجریوال کی عام آدمی پارٹی کو اکثریت ملی ہے۔ دہلی میں کیجریوال کی زبردست فتح دیکھ کر عام آدمی پارٹی نے جشن منانا شروع کردیا ہے۔پارٹی کے دفتر میں ، عام آدمی پارٹی کا ہر کارکن جشن کی فضا میں غرق ہے ، اس خاص موقع پر ، ڈھول ڈانس کا گانا چلایا جارہا ہے۔ تقریبات کے دوران ، اے پی پی(عآپ) کے دفتر میں ایک پوسٹر بھی دیکھا گیا ، جس میں مرکزی وزیر داخلہ امیت شاہ کی تصویر ہے۔ پوسٹر پر لکھا ہے ، 'کرنٹ لگا کیا؟
عام آدمی پارٹی کے کارکنان تقریبات میں مگن ہیں ، اور یہ پوسٹر لہرارہے ہیں۔ دہلی میں ، شاہین باغ کو بھارتیہ جنتا پارٹی نے ایک ایشو بنایا تھا اور مرکزی وزیر داخلہ امت شاہ نے بھی عآپ پر حملہ کیا تھا۔ ایک میٹنگ میں ، امت شاہ نے کہا تھا ، "دہلی والو ای وی ایم کا بٹن کو اتنا زور سے دبانا کہ ووٹ یہاں ملے اور کرنٹ شاہین باغ میں لگے۔
بھارتیہ جنتا پارٹی شاہین باغ کے مظاہرین کو نشانہ بنا رہی ہے ، جو شہریت ترمیمی ایکٹ کے خلاف احتجاج کر رہے ہیں۔ امیت شاہ سے لیکر کپل مشرا ، پرویش ورما سمیت ہر رہنما نے شاہین باغ کے مظاہرے کو عام آدمی پارٹی کی سرپرستی میں قرار دیا تھا۔
مرکزی وزیر داخلہ امیت شاہ نے اپنی متعدد میٹنگوں میں شاہین باغ کےمظاہرے کو سیاسی محرک قرار دیا۔ انہوں نے کہا کہ دہلی کے نتائج بتائیں کہ آپ شاہین باغ کے ساتھ ہیں یا بھارت ماتا کا نعرہ بلند کرنے والوں کے ساتھ ہیں۔ بی جے پی نے انتخابی مہم زور و شور  سے کی اور شاہین باغ کو ایک ایشو بنادیا۔

Post Top Ad

Your Ad Spot