نئی دہلی۔/صداٸے وقت /ذراٸع / 28مارچ 2020.
==============================
ملک میں کورونا وائرس (کووڈ -19) کے 24 گھنٹے سے بھی کم وقت میں 149 نئے کیس سامنے آنے کی وجہ سے اس سے متاثرہ مریضوں کی تعداد بڑھ کر 873 تک پہنچ گئی ہے۔ ان میں سے 775 معاملات ایکٹیو ہیں جبکہ اب تک 19 لوگوں کی موت ہو چکی ہے۔
مہاراشٹرا میں کورونا پازیٹیو لوگوں کی تعداد میں اضافہ ہوا ہے۔ ہفتے کے روز 6 معاملات رپورٹ ہوئے جن میں سے 5 ممبئی اور 1 ناگپور کا معاملہ ہے۔ اس سے پہلے جمعہ کی صبح 10 بجے جاری اعداد و شمار میں بتایا گیا تھا کہ کل 724 لوگوں میں کووڈ -19 کے انفیکشن کی تصدیق ہوئی ہے
وہیں، پوری دنیا میں کورونا کا اثر دیکھنے کو مل رہا ہے۔ کورونا وائرس کی وجہ سے اب تک دنیا میں 25 ہزار اموات ہوچکی ہیں۔ نیز ، 5 لاکھ سے زیادہ انفیکشن (کوڈ 19) کے معاملے سامنے آ چکے ہیں۔ لیکن سب سے زیادہ خوفناک تصویر جمعہ کو اٹلی سے سامنے آئی ہے۔ یہاں ایک دن میں کورونا وائرس کے انفیکشن (اٹلی میں کووڈ19) کی وجہ سے 919 اموات ہوئی ہیں۔ اب تک 1 دن میں ہلاکتوں کی یہ سب سے زیادہ تعداد ہے۔ اس کے ساتھ ہی اٹلی میں ہلاک ہونے والوں کی کل تعداد 9،134 ہو گئی ہے۔
