Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Friday, April 24, 2020

ماہ ‏رمضاں ‏خوش ‏آمدید۔۔۔۔۔۔



از/ فضیل احمد ناصری / صداٸے وقت / 24 اپریل 200
==============================

سیہ  نصیب  کی  امّیدِ  صد  ہزار  ہے  تو
مہِ   صیام  !  دلِ  خستہ  کا  قرار  ہے  تو

خوش   آمدید   کہ   جلوہ   ترا   نظر  آیا
خوش  آمدید  کہ  قدرت کا شاہکار ہے تو

ہے ایک سَم تری ہستی مری  خِرَد کے  لیے
مرے  جنوں  کے  لیے  موسمِ  بہار  ہے  تو

تری  بلند  مقامی  نہ  کیوں جدا سی رہے
نگاہِ  قدس  میں  رحمت کا کوہسار ہے تو

نہ  زورِ  نفس  ہی  باقی، نہ طاقتِ ابلیس
کہ  ان کے واسطے نادیدہ اک حصار ہے تو

کریں  نہ اہلِ حرم  کیوں تری قدم بوسی
جمالِ   حق   کا   نمائندہ   آبشار   ہے  تو

ہمارےعشق کو ملتی ہیں گرمیاں تجھ سے
ہمارے   چہرۂ   ایمان   کا   نکھار  ہے  تو

ترےوجود پہ اے جاں نثار کیوں نہ رہوں
کہ  ایک   سایۂ   مولائے   نام دار   ہے  تو

ہلالِ عید  بھی پنہاں ہے تیرے آنچل میں
دھڑکتے  دل  کی  تمنائے  زر  نگار  ہے  تو

Post Top Ad

Your Ad Spot