Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Tuesday, May 5, 2020

سعودی ‏شہزادہ ‏محمد ‏بن ‏سلمان ‏کے ‏ظلم ‏و ‏ستم ‏کو ‏بیان ‏کرتی ‏ایک ‏”نظم“۔


از /فضیل احمد ناصری/صداٸے وقت ۔
=============================
وہ    راندۂ    خالق    ہے    جہاں   میں   تہِ   افلاک 
جس شخص کے ہاتھوں سے ہو فطرت کی قبا چاک

تقدیس   کے   پردے   میں   جو  اسلام  کو   ڈھائے
اس   بندۂ   بے ہوش   کی   قسمت  پہ  پڑے   خاک

حجّاج   بھی  دیکھے  ہیں   بہت   چشمِ   فلک   نے
دیکھا    نہیں    *شہزادۂ     سلمان*    سا    سفّاک 

وہ   قتلِ   مسلمان   میں   فرعون   سے    بڑھ   کر
تدبیرِ   معاصی   میں   شیاطیں   سے  بھی  چالاک

تن    کِسوَۂ    کعبہ    میں    ہے    لپٹا    ہوا  ،  لیکن
توحید   ، نہ    تمجید   ، نہ    احساس  ، نہ   ادراک 

اس  پیکرِ   ابلیس   سے   کیوں   کر   ہوں   امیدیں
جس   سے   کہ  نئی   نسل  کے  اذہان   ہیں   ناپاک

کم   بخت   نے   وہ   حال   کیا  *خاش  قَجی*  کا
انسان  ہی کیا، شیر کی آنکھیں  بھی  ہیں  نَم  ناک
 
قرطاس    کی    دنیا   میں  قیامت   سی   بپا   ہے
بے    گور    و   کفن   آج   ہے   اک  خامۂ   بے   باک

اک   جیل  ہے   *یوسف*   کے   لیے   ارضِ   سعودی
لٹکا    ہے    یہاں    دار    پہ    ہر   *صاحبِ   لولاک*

پیش کش: *فضیل احمد ناصری آفیشیل یوٹیوب چینل*

Post Top Ad

Your Ad Spot