نٸی دہلی /صداٸے وقت /ذراٸع / 14 مٸی 2020.
==============================
کورونا وائرس بحران کے درمیان بین الاقوامی مذہبی آزادی پر نظر رکھنے والی امریکی ایجنسی یونائیٹڈ اسٹیٹس کمیشن آن انٹرنیشنل ریلیجیس فریڈم ( یو ایس سی آئی آر ایف ) نے ہندوستان میں شہریت ترمیمی قانون کی مخالفت کررہے مسلمانوں کی گرفتاری کا معاملہ اٹھایا ہے ۔ کمیشن کا کہنا ہے کہ 2019 میں ہندوستان میں مذہبی آزادی میں ڈرامائی انداز میں گراوٹ درج کی گئی ہے ۔
امریکی کمیشن کا مزید کہنا ہے کہ کورونا وائرس بحران کے درمیان ایسی خبریں ہیں کہ ہندوستانی حکومت شہریت ترمیمی قانون کی مخالفت کرنے والے مسلمانوں کو گرفتار کررہی ہے ، جس میں صفورا جرگر بھی شامل ہیں ، جو حاملہ ہیں ۔ اس وقت ہندوستان کو قیدیوں کو رہا کرنا چاہئے نہ کہ مخالفت کرنے کیلئے اپنے جمہوری حق کا استعمال کرنے والوں کو نشانہ بنانا چاہئے ۔
قابل ذکر ہے کہ شہریت ترمیمی قانون کے خلاف احتجاج کے دوران تشدد کے الزام میں صفورا جرگر تہاڑ جیل میں بند ہیں اور حاملہ ہیں ۔
