Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Friday, June 19, 2020

راہل ‏گاندھی ‏کی ‏یوم ‏پیداٸش ‏”یوم ‏انسانیت ‏“ ‏کے ‏طورپر ‏مناٸی ‏گٸی۔

جون پور ۔۔۔اتر پردیش۔/ صداٸے وقت /١٩ جون ٢٠٢٠۔(نماٸندہ)۔
==============================
آل انڈیا کانگریس  پارٹی کے سابق قومی صدر راہل گاندھی کی یوم پیدائش کو شہر کے سکھی پور واقع کانگریس اقلیتی سیل کے قومی صدر ندیم جاوید کی رہائش پر ان کی قیادت میں کارکنوں نے سماج کے غریب،مزدور اور کمزور لوگوں کو ماسک،سینٹائزر،ٹی شرٹ اور ساڑی تقسیم کر یوم انسانیت کے طور پر منایاگیا۔

اس موقع پر ندیم جاوید نے کہا کہ راہل گاندھی سالوں سے معاشرے کے پسماندہ اورسہولت سے محروم لوگوں کی جنگ شدت سے لڑ رہے ہیں۔ انہوں نے کہا کہ موجودہ وقت میں معاشرے کے غریب عوام روزگار جیسے سنگین بحران کا سامنا کرنے پر مجبور ہے، لیکن موجودہ حکومت غریبوں کو کھانا کھلانے کے بجائے ان کو نظرانداز کررہی ہے، جو انتہائی بدقسمتی کی بات ہے۔ انہوں نے کہا کہ غریبوں اور معاشرے کے محروم لوگوں کو جب تک نجات دلاتے ہوئے ان کا اصل حق انھیں نہیں ملے گا، ملک اس وقت تک ترقی نہیں کرسکتا۔انہوں نے کہا کہ ملک کو ترقی اور ترقی کی راہ پر گامزن کرنے کے لئے معاشرے کے غریب، پریشان حال اور لاچار افراد کا خاص خیال رکھنا ہوگا جو راہل گاندھی، سونیا گاندھی اور پرینکا گاندھی کی قیادت میں کانگریس کے کارکن کر رہے ہیں۔ اس موقع پر ضلع کانگریس کمیٹی کے صدر فیصل حسن تبریز،شہر صدر سوربھ شکلا، یوتھ کانگریس کے ضلع صدر ستیویر سنگھ، این ایس یو آئی کے ضلع صدر شیکھر دویدی، مفتی ہاشم مہدی، گورو سنگھ، ریاض احمد،جے منگل یادو،قلندر بند، ابوزر شیخ،نیرج رائے، ساجد، شاہنواز خان،حزیفہ خان، وامق ریاض، پرمود یادو، سکندر یادو،چندر کیش پرجاپتی سمیت دیگر کارکن موجود رہے۔

Post Top Ad

Your Ad Spot