Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Saturday, July 4, 2020

خاتون ‏پردھان ‏کے ‏شوہر ‏اور ‏پولیس ‏کے ‏مابین ‏مارپیٹ۔۔۔گاٶں ‏میں ‏بھاری ‏فورس ‏تعینات۔۔ملزمان ‏کی ‏تلاش ‏جاری۔

ملزمان کی تلاش میں فورس کی بڑی تعداد  پہنچنے کے بعد  گھر گھر تلاشی لی گئی۔عورتوں کے ساتھ بد تمیزی کا الزام۔

اعظم گڑھ ۔۔اتر پردیش /صداٸے وقت /نماٸندہ/  4 جولائی ، 2020 .
==============================

 اعظم گڑھ۔  دیدار گنج پولیس اسٹیشن کے گاؤں راجا پور میں ، ہفتے کی شام ، پولیس اہلکاروں اورپردھان شوہر کے مابین ہونے والے تنازعہ نے شدت اختیار کرلی۔  تنازعہ اس قدر بڑھ گیا کہ پولیس اہلکاروں کو پردھان کے شوہر کے حامیوں نے مار پیٹ دیا ، جس کی وجہ سے پولیس کی  وردی بھی پھٹ گئی ، سپاہی کی اطلاع پر دیدار گنج پولیس اسٹیشن کی فورس پہنچ گئی اور گھر گھر تلاش شروع کردی۔  اس دوران ایک خاتون پولیس بھی موجود تھی۔  جہاں ملزم گاؤں چھوڑ کر بھاگ گئے وہاں بتایا جارہا ہے کہ پولیس نے کچھ کے گھر توڑ پھوڑ کی اور خواتین کے ساتھ بدتمیزی بھی کی۔  دیر شام تک مزید فورس پہنچ گئی تھی اور سی او پھول پور بھی پہنچ گیے تھے۔  موصولہ اطلاع کے مطابق ، یہ جونپور کے شاہ گنج کی سرحد کے قریب واقع ایک گاؤں ہے ، سپاہی اور ملزم میں پہلے ہی بہتر تعلقات رہے ہیں ، اس واقعے کی شام دونوں ہی ایک دکان پر چائے پی رہے تھے ، اسی دوران  کسی بات پر مشتعل  ہوکر سپاہی نے پردھان شوہر  تھپڑ مارا جس کیوجہ سے یہ تنازعہ شدت اختیار کرگیا۔

Post Top Ad

Your Ad Spot