جونپور۔۔۔اتر پردیش /صداٸے وقت /نماٸندہ/ ٣٠ نومبر ٢٠٢٠۔
===========================
تھانہ حلقہ کھیتا سراٸے کے تحت موضع معروف پور میں ” اصلاح معاشرہ کونسل “ کے زیر اہتمام جماعت اسلامی ہند و جمیعت العلمإ ہند کے اشتراک سے اصلاح معاشرہ کے پروگرام کا انعقاد گاٶں کے مدرسہ دارالمعارف الاسلامیہ
درسگاہ اسلامی معروف پور کے لاٸبریری ہال میں منعقد کیا گیا ۔پروگرام کی صدارت جمیعت العلمإ کی نماٸندگی کر رہے اسمإ نسواں کالج کے بانی منیجر مولانا وحید الدین خاں قاسمی نے کی۔۔جماعت اسلامی ہند کے ضلع صدر عبد اللہ فاروق نے پروگرام کی نظامت کے فراٸض انجام دٸیے۔
مولانا وحید الدین قاسمی نے اپنے خطاب میں کہا کہ ہمیں اپنے رسول مُحَمَّد ﷺ کی طرز زندگی پر چلنا ہوگا۔انھوں ﷺ نے انسان کو نہ صرف عبادت سکھاٸی بلکہ ایک طرز زندگی دی۔ہم اسوہ رسول ﷺ پر چل کر دنیا میں سرخرو ہوسکتے ہیں اور آخرت بھی سنورے گی۔انھوں نے انسانوں کیساتھ حسن سلوک کرنے پر زور دیتے ہوٸے کہا کہ اگر ہمارے نوجوان یا ہم سے کم عمر لڑکے سلام نہیں کرتے تو ہمیں چاہٸے کہ ہم سلام میں پہل کریں۔ایسا کرنے سے ہمارے نوجوانوں میں سلام کرنے کی عادت پڑے گی۔انھوں نے اس بات پر بھی زور دیا کہ ہمارے معاشرہ میں پھیلی براٸی پر ہم قابو پاسکتے ہیں اگر ہم حسن سلوک کرنا اپنی عادت بنا لیں۔۔غیبت سے بچیں ۔۔کسی بھی انسان کے اچھے کاموں کی کھلے دل سے تعریف کریں ۔۔خیر سگالی کے طور پر رسول ﷺ اور صحابہ کرام کی سنت پر عمل کرتے ہوٸے ایک دوسرے کو تحاٸف دینے کی کوشش کریں۔۔اس سے آپس میں محبت پیدا ہوگی اور کسی بھی طرح کی کدورت اگر دل میں ہوگی تو دور ہوجاٸے گی۔
اس موقع پر جماعت اسلامی کے مشرقی یوپی زون کے شوریٰ کے ممبر جلال الدین سرور نے اپنے خطاب میں کہا کہ ہمارے معاشرہ میں نوجوانوں کو تعلیم پر بھی زور دینے کی ضرورت ہے ۔انھوں نے تعلیم کی اہمیت پر تفصیل سے روشنی ڈالتے ہوٸے کہا کہ اب صرف روایتی تعلیم کا دور نہیں رہا۔دنیا کافی بدل گٸی ہے ۔نظام تعلیم بھی بدل گیا ہے اب ہم کو ایک طے شدہ پروگرام کے تحت تعلیم حاصل کرنا ہوگا ۔۔تعلیم کا مقصد طے کرنا ہوگا۔۔زندگی کے کس شعبے میں طلبہ کو دلچسپی ہے اسی طرف اس کی تعلیم ہونی چاہٸے۔۔ہمارے طلبہ اور ان کے سرپرست کو چاہٸے کہ طلبہ کی صلاحیت کے اعتبار سے پہلے سے ہی اس بات کا تعین کرلیں کی ہمارا ٹارگیٹ کیا ہوگا۔ہم تعلیم کے میدان میں کیا کچھ کرنا چاہتے ہیں وہ پہلے سے طے ہونا چاہٸے اور اسی ٹارگیٹ کو سامنے رکھکر تعلیم میں آگے بڑھنا ہوگا ۔جس سے آپ کی تعلیم بامقصد ہوسکے۔
معروف سماجی کارکن و صحافی ڈاکٹر شرف الدین اعظمی نے اس موقع پر اپنی بات رکھتے ہوٸے کہا کہ ہمیں اپنے نوجوانوں کی اصلاح پر زیادہ زور دینے کی ضرورت ہے۔ہمارے نوجوان ہی قوم کے مستقبل ہیں اگر ان میں اچھے اخلاق اور اچھی تعلیم آگٸی تو معاشرے سے براٸی کا بہت حد تک خاتمہ ہوسکتا ہے۔انھوں نے سر پرستوں و والدین پر بھی زور دیا کہ ان کو بہت گہراٸی اور باریک بینی سے اپنے بچوں پر نظر رکھنی ہوگی ۔وہ کب اور کہاں گھر سے جاتے ہیں اور کب تک واپس آتے اس پر خاص خیال رکھنا ہوگا۔انھوں نے حالیہ دنوں میں قوم کے مختلف مواضعات میں ہوٸے لڑاٸی جھگڑے ، قتل و غارت گری کا تذکرہ کرتے ہوٸے کہا کہ ان افسوسناک واقعات سے بچا جا سکتا تھا اگر ہمارے نوجوانوں میں ذرا بھی اخلاقیات کا شاٸبہ ہوتا۔۔انھوں نے سر پرستوں سے اپیل کی کہ اپنے بچوں کے موباٸل کو وقتاً فوقتاً چیک کرتے رہیں اور لڑکیوں کو تو جب تک اشد ضرورت نہ ہو موباٸل نہ دیں۔تنہاٸی میں بات کرنے کی اجازت نہ دیں۔
واضح ہوکہ اپنے علاقے بطور خاص اعظم گڑھ و جونپور کے قوم کے مواضعات میں ہورہے بگاڑ اور حکومت کی مسلمانوں کو طرح طرح سے پریشان کرنے کی کوشش ، جھوٹے مقدمات وغیرہ کے مدنظر کچھ روز قبل جمعت العلمإ و جماعت اسلامی کے رکن و عہدیداران و دیگر سرکردہ لوگوں نے مل کر ایک ” اصلاح معاشرہ کونسل “ کی تشکیل کی جس کا مقصد مسلم مواضعات میں اصلاح معاشرہ کا پروگرام چلانا ہے۔اس سلسلے میں کونسل نے کٸی مواضعات میں پروگرام منعقد کٸے۔
آج کے مذکورہ پروگرام میں بطور خاص ماسٹر محمد عارف۔قاری شمیم احمد۔ماسٹر بدیع الزماں۔ انور بیگ۔نثار احمد۔ماسٹر بدرالدین۔محمد سالم فلاحی۔محمد فہیم۔محمد عامر۔صفوان احمد۔محمود عالم۔ذیشان احمد۔سلام الدین۔کلیم الدین۔رضا ٕ اللہ۔وغیرھم کے علاوہ اچھ تعداد میں اہل موضع معروف پور نے شرکت کی جس میں نوجوانوں کی شمولیت زیادہ اور قابل تعریف تھی۔
آخر میں مولانا وحید الدین قاسمی کی دعا کے بعد پروگرام کا اختتام ہوا۔
