انفورسمنٹ ڈائریکٹوریٹ نے پچھلے سال دسمبر میں منی لانڈرنگ کے معاملے میں تریوندرم ہوائی اڈے سے رؤف شریف کو حراست میں لیا تھا۔شریف کو اترپردیش پولیس نے ہاتھرس کیس کے سلسلے میں حراست میں لیا تھا۔ ای ڈی کے مطابق، پی ایف آئی کے رہنما رؤف شریف نے 2020 میں عمان اور قطر سے غیر قانونی طور پر اپنے بینک اکاؤنٹ میں تقریبا 22 کروڑ روپے وصول کیے تھے۔
ایس ٹی ایف پچھلے ہفتے کیرالہ سے شریف کو پروڈکشن وارنٹ پر لائی تھی۔ شریف پر اترپردیش میں سی اے اے / این آر سی مظاہروں کے دوران ہاتھرس میں تشدد اور فسادات کے پیچھے فنڈز اور سازش کا الزام ہے۔
رؤف شریف پی ایف آئی کے طلبا ونگ کے جنرل سکریٹری ہیں جو کیمپس فرنٹ آف انڈیا (CFI) کہلاتی ہے۔ اس سے قبل 17 فروری کو، اتر پردیش پولیس کی اسپیشل ٹاسک فورس نے پاپولر فرنٹ آف انڈیا (پی ایف آئی) کے دو ارکان کو گرفتار کیا تھا جو مبینہ طور پر ریاست کے مختلف مقامات پر سلسلہ وار حملوں کی منصوبہ بندی کر رہے تھے اور ہندو تنظیموں کے رہنماؤں کو نشانہ بنا رہے تھے
