Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Friday, July 2, 2021

سہ ماہی دربھنگہ ٹائمز کا تازہ شمارہ منظر عام پراگلا شمارہ یادرفتگاں نمبر ہوگا..



پٹنہ..بہار۔۔2 جولائی 2021۔۔ (پریس ریلیز)./صداؠے وقت۔
___________________________________________
دربھنگہ سے شائع ہونے والا ادبی رسالہ سہ ماہی دربھنگہ ٹائمز کا تازہ شمارہ (اپریل تا جون 2021) شائع ہو کر منظر عام پر آ چکا ہے۔یہ اطلاع مدیر رسالہ ڈاکٹر منصور خوشتر نے دی ہے۔ اس شمارہ میں احمد سہیل، منور رانا، پروفیسر شارب ردولوی، مشرف عالم ذوقی، پروفیسر مناظر عاشق ہرگانوی، ڈاکٹر صادقہ نواب سحر، ڈاکٹر اسلم جمشیدپوری،نذیر فتح پوری، انوار الحسن وسطوی،ڈاکٹر عبدالحئی، ڈاکٹر زرنگار یاسمین، ضیاء فاروقی، ڈاکٹر احسان عالم، ابراہیم افسر، سید محمود احمد کریمی،ڈاکٹر منصور خوشتر، خان محمد رضوان،ڈاکٹر صالحہ صدیقی،عارف حسن وسطوی،ڈاکٹر رشید جہاں انور،غلام نبی کمار اور ڈاکٹر امتیاز عالم کے بیش قیمتی مضامین شامل ہیں۔شموئل احمد، دیبک بدکی، سلمی جیلانی، ڈاکٹر مشتاق احمد وانی، مجیر احمد آزاد اور پرویز مانوس کے افسانے، ڈاکٹر مجبتی احمد کا انشائیہ اور منظومات کے حصے میں کرشن کمار طور، پروفیسر شاکر خلیق، حیدر واارثی، راشد طراز، عطاعابدی، سلیم انصاری، سلطان شمسی اور منصور خوشتر کی غزلوں سے مزین یہ شمارہ تسکین ذوق کے لیے بھرپور مواد فراہم کرتا ہے۔ دربھنگہ ٹائمز کا یہ شمارہ ایجوکیشنل پبلشنگ ہاؤس دہلی، بک امپوریم سبزی باغ پٹنہ، دفتر دربھنگہ ٹائمز پرانی منصفی دربھنگہ سے حاصل کیا جا سکتا ہے۔ 
ریویوڈ ایڈیٹر کامران غنی صبا نے بتایا کہ دربھنگہ ٹائمز کا اگلا شمارہ یادرفتگاں 2021 نمبر ہوگا۔ اس خصوصی شمارہ میں کووڈ 19 کے عہد میں فوت ہونے والی ادبی شخصیات پر مضامین شائع کیے جائیں گے۔قلم کار حضرات سے گزارش ہے کہ اپنے مضامین 31 جولائی 2021تک ان پیج یا یونیکوڈ میں درج ذیل ای میل آئی ڈی پر ارسال فرمائیں۔
darbhangatimes@gmail.com

Post Top Ad

Your Ad Spot